Արա անվան բացատրությունը
Արա անունը հայ հին դիցաբանական անուններից է, որ ավանդել է մեզ պատմահայր Մովսես Խորենացին:
Արան գարնան, բուսականության, երկրագործության, բերքի, հետագայում նաև պատերազմի, ուժի աստվածն էր, որի պաշտամունքը եղել է խեթերի, ուրարտացիների, հայերի և փոքրասիական այլ ժողովուրդների մեջ:
Գ. Ղափանցյանն իր «Chetto armeniaca» գրքում նշել է մեր Արայի և խեթական Ara բույսերի աստվածության աղերսը:
Գիտնականներից ոմանք նույնություն են նկատել նաև մեր Արայի և հունական Արես աստծու միջև (իբրև մեռնող և վերստին հարություն առնող աստվածների):
Գ. Ղափանցյանն էլ նույն կարծիքն է հայտնել (տե՛ս «Хеттские боги у армян», 27 ), իսկ Ա. Մատիկյանը անվարան կերպով նույնացնում է Արային և հունական Արեսին՝ գրելով.
«Արա Գեղեցիկ և Արես իրենց ծագումով միևնույն դիցաբանական դեմքերն են» (տե’ս նրա «Արա Գեղ.», էջ 314-315):
Արա անունը ըստ Գ.Ղափանցյանի ծագում է ակկադա-շումմերական լեզուներից և նշանակում է «անտառ», «արտ» և այլն:
Գիտնականի կարծիքով մեր հնագույն տեղանունների մեջ «արա» մասնիկը Արա աստծո անունն է (Արածանի – Արայի գետ, Արահեզ, Արագեն գյուղանունները, Արաժին լեռնանունը և այլն):
Վերջին տարիներին Արա անունը մեծ տարածում է գտել:
2797
Մարտիկ անվան բացատրությունը Մարտիկ անունը առաջացել է հայերեն մարտ՝ կռիվ բառից։ Նշանակում է կռվող, մարտնչող՝ ինչպես Ռազմիկ անունը: Սրանից է Մարտիկյան ազգանունը։ Երբեմն Մարտիրոս անունը...
Ֆլորա անվան բացատրությունը Ֆլորա՝ լատիներեն Flora անունն է, որը տարածված է եվրոպական շատ ժողովուրդների մեջ։ Ծագում է լատիներեն flos՝ ծաղիկ բառից։ Հին հռոմեական դիցաբանության...
Ճարտարապետ անվան բացատրությունը Ճարտարապետ անունը առաջացել է հայերեն ճարտարապետ բառից։ Այն երևում է Անիի շրջանում՝ նույնիսկ Ալեքսանդրապոլ քաղաքում իբրև անձնանուն։ Այս անունը տարածվել...
Լիզա անվան բացատրությունը Լիզա անունը առաջացել է ռուսերեն Елизавета անվան փաղաքշական ձևից։ Այն եբրայական ծագում ունի։ Այժմ բավական տարածված անուն է։
Գարսևան անվան բացատրությունը Գարսևան անունը անցյալում շատ տարածված էր հատկապես Շիրակի գյուղերում։ Այժմ էլ գործածական է, թեև սակավ։ Կրճատ կոչում են Գարսո։ Կա նաև Գարսևանյան ազգանունը։
Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա:
