Արա
Արա անվան բացատրությունը
Արա անունը հայ հին դիցաբանական անուններից է, որ ավանդել է մեզ պատմահայր Մովսես Խորենացին:
Արան գարնան, բուսականության, երկրագործության, բերքի, հետագայում նաև պատերազմի, ուժի աստվածն էր, որի պաշտամունքը եղել է խեթերի, ուրարտացիների, հայերի և փոքրասիական այլ ժողովուրդների մեջ:
Գ. Ղափանցյանն իր «Chetto armeniaca» գրքում նշել է մեր Արայի և խեթական Ara բույսերի աստվածության աղերսը:
Գիտնականներից ոմանք նույնություն են նկատել նաև մեր Արայի և հունական Արես աստծու միջև (իբրև մեռնող և վերստին հարություն առնող աստվածների):
Գ. Ղափանցյանն էլ նույն կարծիքն է հայտնել (տե՛ս «Хеттские боги у армян», 27 ), իսկ Ա. Մատիկյանը անվարան կերպով նույնացնում է Արային և հունական Արեսին՝ գրելով.
«Արա Գեղեցիկ և Արես իրենց ծագումով միևնույն դիցաբանական դեմքերն են» (տե’ս նրա «Արա Գեղ.», էջ 314-315):
Արա անունը ըստ Գ.Ղափանցյանի ծագում է ակկադա-շումմերական լեզուներից և նշանակում է «անտառ», «արտ» և այլն:
Գիտնականի կարծիքով մեր հնագույն տեղանունների մեջ «արա» մասնիկը Արա աստծո անունն է (Արածանի – Արայի գետ, Արահեզ, Արագեն գյուղանունները, Արաժին լեռնանունը և այլն):
Վերջին տարիներին Արա անունը մեծ տարածում է գտել:
4656
Այլ անուններ
Խաժակ
Խաժակ անվան բացատրությունը Խաժակ անունը առաջացել է հայերեն խաժ՝ կատականաչ և ակն՝ աչք բառերից։ Նշանակում է խաժ աչքեր ունեցող, կապուրաչյա ինչպես՝ Սևակ, Ցոլակ։ Անցյալում բավական տա...
Զարուհի
Զարուհի անվան բացատրությունը Զարուհի անունը առաջացել է պարսկերեն zar «ոսկի» բառից՝ ուհի իգական ածանցով։ Համապատասխանում է մեր Ոսկի անվանը։ Փաղաքշական ձևերն են՝ Զարո, Զարիկ...
Ազատուհի
Ազատուհի անվան բացատրությունը Ազատուհի անունը առաջացել է հայերեն Ազատ անվան իգական ձևից՝ ուհի ածանցով։ Բավական տարածված անուն է։
Շիրին
Շիրին անվան բացատրությունը Շիրին անունը առաջացել է պարսկերեն sirin բառից։ Այն նշանակում է քաղցր։ Հայերի մեջ վաղուց գործածական անուն է՝ և իգական, և արական։ Այժմ գործածական է իբրև իգակա...
Մելիտոս
Մելիտոս անվան բացատրությունը Մելիտոս անունը առաջացել է հունարեն Melitos անունից։ Այն նշանակում է մեղրածոր կամ քաղցր։ Հաճախ այս անունը աղավաղվելով դառնում է Միլիտոս։ Որից և ստեղծվել է...