ՍՐՏԻ ԽՈՐՔԵՐԻՑ ԽՈՍՔ ԱՍՏՈւԾՈ ՀԵՏ - ՍԲ․ ԳՐԻԳՈՐ ՆԱՐԵԿԱՑԻ

ԲԱՆ Ա

ՍՐՏԻ ԽՈՐՔԵՐԻՑ ԽՈՍՔ ԱՍՏՈւԾՈ ՀԵՏ

Ա

ՍՐՏԻՍ ՈՂԲԱՁԱՅՆ ՀԱՌԱՉԱՆՔՆԵՐԻ ԱՂԱՂԱԿՆ, ԱՀԱ՜, 

ԴԵՊԻ ԵՐԿԻՆՔՆ Ի ՎԵՐ՝ ՔԵԶ ԵՄ ԸՆԾԱՅՈՒՄ, ԳԱՂՏՆԱՏԵՍ ԱՍՏՎԱԾ․

ԵՎ ԻՄ ՍԱՍԱՆՅԱԼ ՀՈԳՈւ ԻՂՁԵՐԻ ՊՏՈւՂՆ ԱՅՐՎՈՂ՝ 

ԱՆՁՍ ՏՈՉՈՐՈՂ ԹԱՂԾՈւԹՅԱՆ ՀՐԻ ՎՐԱ ԴՆԵԼՈՎ՝

ԿԱՄՔԻՍ ԲՈւՐՎԱՌՈՎ ԱՌԱՔՈւՄ ԵՄ ՔԵ՛Զ։

ՆԱՅԻ՛Ր, Ո՜Վ ԳԹԱԾ, ՀՈՏՈՏԻ՛Ր ԴՈՒ ԱՅՆ ԱՌԱՎԵԼ ՍԻՐՈՎ,

ՔԱՆ ՊԱՏԱՐԱԳԸ ԲՈԼՈՐԱՆՎԵՐ, ՄԱՏՈւՑՎԱԾ ԾԽՈՎ ԱՄԵՆԱԱՌԱՏ։

ԸՆԴՈւՆԻՐ ԱՅՍ ՊԱՐԶ Ու ՍԵՂՄ ԽՈՐՍՔԵՐԻՍ ՇԱՐԱԴՐԱՆՔԸ ԴՈւ

ՀԱՃՈւԹՅԱՄԲ ՀՈԺԱՐ ԵՎ Ո՛Չ ԲԱՐԿՈՒԹՅԱՄԲ։ 

ԲԱՆԱՎՈՐ ԶՈՀԻՍ ՆՎԵՐՆ ԱՅՍ ՍՐՏԱՆՑ

ՄԵՂՔԵՐԻՍ ՊԱՐԱՐՏ ՃԱՐՊԻ ԶՈՐՈւԹՅԱՄԲ ՈՂՋԱԿԻԶՎԵԼՈՎ, 

ԹՈՂ ՈՐ ԽՈՀԵՐԻ ԻՄ ԽՈՐՀՐԴԱԿԻՐ ՍԵՆՅԱԿԻ ԽՈՐՔԻՑ

ԲԱՐՁՐԱՆԱ Եւ ՔԵԶ ՀԱՍՆԻ ԱՆՀԱՊԱՂ։

ԵՎ ԱՂԵՐՍԱԽԱՌՆ ԵՐԲ ԴԱՏԻ ՆՍՏԵՄ ԵՍ ՔԵԶ ՀԵՏ, ՀԶՈ՛Ր,

ԹՈՂ ՈՐ ՏԱՂՏԿԱԼԻ ՉԹՎԱ ՔԵԶ ԱՅԴ,

ԻՆՉՊԵՍ ԱՄԲԱՐԻՇՏ ՀԱԿՈԲԻ ՁԵՌՔԵՐԻ ԿԱՐԿԱՌՈՒՄՆ Ի ՎԵՐ,

ՈՐԻ ԴԵՄ ԲՈՂՈՔ Է ԳՐԵԼ ԵՍԱՅԻՆ (ԵՍԱՅ․ Ա․ 15)

ԵՎ ԿԱՄ ԻՆՉՊԵՍ ԱՆԻՐԱՎՈՒԹՅՈՒՆԸ ԲԱԲԵԼՈՆԻ՝

ՍԱՂՄՈՍԻ ՅՈԹԱՆԱՍՈւՆԵՐԿՈՒԵՐՈՐԴ ԱՌԱԿՈւՄ ԱՍՎԱԾ (ՍԱՂՄ․ ՀԲ․ 7)

ԱՅԼ ԸՆԴՈւՆԻՐ ԱՅՆ ԿԱՄՈՎԻՆ, ԻՆՉՊԵՍ ԽՈւՆԿՆ ՀԱՃՈՅԱԿԱՆ,

ՈՐ ՄԻ ԺԱՄԱՆԱԿ ԲՈւՐԵՑ ՍԵԼՈՎԻ ԽՈՐԱՆԻ ՄԵՋ ԱՅՆ, 

ՈՐԸ ՆՈՐ ՇՈւՔՈՎ ՎԵՐԱՆՈՐՈԳՎԱԾ՝ ԴԱՎԻԹԸ ԿԱՆԳՆԵՑ (Բ․ ԹԱԳ․ Զ․ 17)

ՀԱՆՈւՆ ԳԵՐԵԴԱՐՁ ԱՅՆ ՏԱՊԱՆԱԿԻ,

ՈՐ ՆՄԱՆ Է ԻՄ ԿՈՐՈւՍՅԱԼ ՀՈԳՈւ ՎԵՐՍՏԻՆ ԳՅՈւՏԻՆ։