Բաղադրիչներ
- Ձու - 2 հատ
- Պանիր Մասկարպոնե - 250 գրամ
- Շաքարավազ - 80 գրամ
- Թխվածքաբլիթ - 1/2 կիլոգրամ
- Եփած թունդ սուրճ - 200 մլ
- Կակաո - 80 գրամ
- Կոնյակ կամ սուրճի լիկյոր - 30-50 գրամ
Պատրաստման եղանակը
Մեծ տարայի մեջ լցնում ենք մասկարպոնե պանիրը և լավ հարում ենք, մինչև դառնա յուղոտ թթվասերի նման: 
Առանձնացնում ենք ձվի դեղնուցն ու սպիտակուցը: Դեղնուցները և շաքարավազը իրար հետ հարում ենք, մինչև սպիտակի: Ստացված զանգվածը փոքր բաժիններով լցնում ենք մասկարպոնեի վրա, լավ հարում ենք: Հարում ենք սպիտակուցները մինչև ստացվի պինդ փրփուր, ապա գդալով լցնում ենք մասկարպոնեի և դեղնուցների վրա, զգուշությամբ խառնում ենք: Եփում ենք թունդ սուրճ, լցնում ենք խորը տարայի մեջ (տարայի լայնքը պետք է լինի այնքան, որպիսի թխվածքաբլիթները հանգիստ տեղավորվեն) և թողնում ենք հովանա: Վրան ավելացնում ենք կոնյակ, կամ սուրճի լիկյոր: Թխվածքաբլիթները երկու կողմից դնում ենք սուրճի և կոնյակի մեջ, թողնում ենք մի քանի վայրկյան, ապա տեղափոխում ենք մատուցվող ամանի մեջ: 
Թխվածքաբլիթների վրա լցնում ենք մասկարպոնեով կրեմը: 
Թխվածքաբլիթների երկրորդ շերտն ենք թաթախում սուրճի մեջ, և մեկ շերտով շարում ենք կրեմի վրա: Ապա վրան նորից կրեմ ենք քսում: Տիրամիսուն կարող է լինել տարբերի չափերի և հաստության, որից էլ կախված են շերտերի քանակը: Մատուցելուց առաջ վրան հավասարաչափ կակա ենք ցանում: 
Տիրամիսուն պատրաստ է: Այն պետք է պահել սառնարանում և մատուցել սառը վիճակում: 
Բարի ախորժակ
Մեկնաբանել