Բաղադրիչներ
- Կարագ - 100 գրամ
- Շաքարավազ - 6 ճաշի գդալ
- Հավկիթ - 1 հատ
- Կաթ - 1 բաժակ
- Ալյուր - 250 գրամ
- Ծիրանի մուրաբա
Գլազուրի համար
- Շաքարի փոշի - 180 գրամ
- Կիտրոնի հյութ - 3 ճաշի գդալ
Պատրաստման եղանակը
Կարագը և շաքարավազը հարում ենք հարիչով: Շարունակելով հարել ավելացնում ենք ձուն, ապա կաթը: Ավելացնում ենք ալյուր և հունցում ենք փափուկ խմոր: Խմորը գրտնակով բարակ բացում ենք, մոտավորապես 5մմ: Կտրում ենք 6սմ տրամագծով շրջանակներ: Ջեռոցը տաքացնում ենք 180°С. Ջեռոցի թավայի մեջ դնում ենք սննդային թուղթ, վրան մի քիչ բուսայուղ ենք քսում, վրան դնում ենք խմորե օղակները, եփում ենք 10-15 րոպե: Որից հետո թավան հանում ենք ջեռոցից, թողնում ենք հովանա:
Մուրաբայի մեջից հանում ենք ծիրանները, դնում ենք թղթե անձեռոցիկի վրա, որպիսի ավելորդ հեղուկը դուրս գա: Այդ ընթացքում պատրաստում ենք գլազուրը. լավ խառնում ենք կիտրոնի հյութը և շաքարի փոշին: Գլազուրով պատում ենք բոլոր թխվածքաբլիթները, իսկ մեջտեղում դնում ենք ծիրանը, թողնում ենք գլազուրը չորանա:
Թխվածքաբլիթ-ձվածեղները պատրաստ են:
Բարի ախորժակ
Մեկնաբանել