Պանիրը խմորի մեջ

Բաղադրիչներ

1. Ջուր - 1,5 բաժակ
2. Աղ - 1/4 ճաշի գդալ
3. Ալյուր - 4 բաժակ
4. Թթվասեր 20% յուղայնությամբ - 3 ճաշի գդալ
5. Սուլուգունի պանիր - 500 գրամ
6. Պոմիդոր - 1կգ
7. Սխտոր - 3 պճեղ
8. Աղ, համեմ
9. Բամբուկե փայտիկներ

Պատրաստման եղանակը

Խառնում ենք միմյանց ալյուրը և ջուրը: Հունցում ենք խմոր: Տալիս ենք գնդակի տեսք և թողնում 10 րոպե: Ապա բացում ենք խմորը, քսում ենք թթվասեր, փաթաթում ենք ռուլետի նման: Թողնում ենք ևս 10 րոպե:

Լվանում ենք պոմիդորը և մանր մտրատում ենք:

Հեռացնում ենք սխտորի կճեպը, լվանում ենք, մանրացնում:

Մանրացնում ենք նաև համեմը, խառնում սխտորի հետ, վրան աղ ցանում:

Քառակուսիներով կտրտում ենք սուլուգունի պանիրը:

Խմորը բացում ենք, 3սմ հաստությամբ կտրտում ենք, մեջտեղում դնում ենք վերը թվարկված բաղադրիչները, բամբուկե փայտիկը, փակում ենք եզրերը:

Եփել կամ ջեռոցում, կամ թավայի մեջ՝ քիչ բուսայուղով: