Բաղադրիչներ
Արտաքին շերտի համար՝
- Տավարի անյուղ միս - 0,5 կգ
- Ծեծած քյուֆթա 0,5 կգ
- Մանր բլղուր 1,5 բաժակ /իմ մոտ բաժակը 300 գր-ոց էր/
- Լոլիկ֊պղպեղի մածուկ - 2-3 ճ.գ.
- Կարմիր աղացած փոշի պղպեղ - 2 ճաշի գդալ աղ
Միջուկի համար՝
- Տավարի յուղոտ աղացած միս - 1,5 կգ
- Սոխ - 3 գլուխ
- Յուղ -2 ճ.գ.
- Ընկույզ - 0,5 բաժակ
- Քիմիոն - 1 թեյի գդալ
- Բահար - 1 թեյի գդալ
- Աղ
Պատրաստման եղանակը
Պատրաստենք միջուկը
Սոխառածի վրա ավելացնում ենք միսը և անընդհատ խառնելով եփում ենք, ավելացնում ենք ընկույզն ու համեմունքները, թողնել սառի։
Խմորի համար խառնում ենք բոլոր բաղադրիչները։ Սակայն սկզբում իրար հետ խառնում ենք քյուֆթան և բլղուրը։
Քանի որ մեր պատրաստի քյուֆթան մի փոքր փափուկ է, կարող ենք բլղուրին ջուր չավելացնել։ Այն խառնում ենք ծեծած մսի հետ և թողնում մինչև կլանի միջի ջրային մասը և փափկի։ Որից հետո բոլորը միասին շաղում ենք, մինչև որ փափուկ, բայց կպչուն խմորի վերածվի։
Խմորից վերցնում ենք ընկույզի չափով, թեթևակի շաղում ենք, փոսիկ անում, մատներով պատերը բարակացնում-լայնացնում, ապա լցոնում միջուկով, փակում ենք բերանը և կիտրոնի ձև տալիս։
Եփել եռացող ջրի մեջ..
Մատուցել՝ կիտրոնով
ԲԱՐԻ ԱԽՈՐԺԱԿ...
Հեղինակ՝ Իզաբելլա Սարգսյան
Մեկնաբանել