• 22 հունիս, 2024
     Կռունկն ու սագը - Հայրապետ Հայրապետյան

    Կռունկն ու սագը - Հայրապետ Հայրապետյան

    Կապուտակ լճի
    ջրի երեսին
    Ճարպիկ ու արագ
    սագիկն է լողում.
    Սուրում ջրի տակ,
    դուրս գալիս կրկին,
    Ու ինքը իրեն
    բարձրաձայն գովում.
    - Օդում թռչում եմ,
    ցամաքում շրջում,
    Լճակի ջուրը
    պատռում նետի պես,
    Ինձ պես ուրիշը
    չկա աշխարհում,
    Ողջ թռչունների
    թագավորն եմ ես։
    - Իզուր ես գովում,
    քույրի՛կ, ինքդ քեզ,-
    - Կռունկը նրան
    ձայնեց վերևից,-
    Կարո՞ղ ես արդյոք
    լողալ ձկան պես,
    Եղնիկի նման
    վազել քարափից:
    Արծվի նման
    հպարտ, փառավոր,
    Կարո՞ղ ես պատռել
    ծալքերն ամպերի...
    Լավ է գիտենալ
    մի բան հիմնավոր,
    Քան թե շատ բաներ,
    բոլորն էլ թերի։

     

    Արագիլն ու աղվեսը - Հայրապետ Հայրապետյան

    Արագիլն ու աղվեսը - Հայրապետ Հայրապետյան

    Նախորդը

    Գայլ Վահան - Հայրապետ Հայրապետյան

    Գայլ Վահան - Հայրապետ Հայրապետյան

    Հաջորդը

    Մեկնաբանել