Մոդելային աշխարհ․․․ այնքան գրավիչ ու ցանկալի․․․
Բայց ես մոտ 74 կիլոգրամ էի, և որպիսի ունենայի մոդելին համապատասխան կառուցվածք, սկսեցի կոնկրետ քայլեր անել։
- Սննդակարգից հանեցի քաղցրը, ալյուրը
- Առավոտյան պարտադիր խմում էի գոլ ջուր
- Շաբաթը 3 անգամ գնում էի մարզասրահ, հիմնականում առավոտյան։
Մոտավորապես 2 ժամ մարզվում էի։ Ուշադրության կենտրոնում ոտքերս էին, դրա համար հիմնականում շատ վազում էի, մոտ 30 րոպե, նաև կան շատ լավ վարժություններ ոտքերի համար, որոնք նույնպես ես անում էի առանձնահատուկ։
- Կեսօրին ուտում էի թեթև սնունդ՝ գրեչկա, բրինձ, խաշած միս, ձուկ․․․
Բացառում էի համեմունքները։ Նախընտրում էի օգտակար, բանջարեղենային աղցաններ՝ բրոկոլի, պոմիդոր, վարունգ․․․ - 3-ից հետո ուտում էի միրգ, հիմնականում խնձոր՝ դարչինով։ Ի դեպ, դարչինը ունի մաքրող, նիհարեցնող հատկություն։ Դարչինով սիրում եմ նաև նարինջը, ցիտրուսային մրգերը։
- Երեկոյան ոչինչ չէի ուտում, իմանալով, որ 6-7-ը պետք է թեթև սնվել։ Նախընտրում էի վարսակով պեչենիներ, կամ մածուն, որը միարժամանակ և կշտացնում է, և նպաստում նիհարեցմանը։
Երեկոյան նաև խմում էի սուրճ կամ կանաչ թեյ։
Եթե ցանկանում եք նիհարել, կամ պահել կազմվածքը, 2-3 ժամը մեկ պետք է սնվել, սակայն թեթև, առանց քաղցրի, յուղի ու համեմունքի․․․
Ես, որպես մոդել, հետևում եմ այսպիսի սննդակարգի, սակայն մոդելային աշխատանքների ժամանակ ավելի թեթև եմ սնվում, որպիսի նաև ավելի վստահ զգամ ինձ։
Շատ կարևոր է, որ ձեզ նվիրեք մեկ օր, օրինակ իմ համար դա կիրակին է, երբ ես ուտում եմ ինչ ցանկանամ, անգամ քաղցր, կամ բուրգեր, իհարկե քիչ․․․ Միևնույն ժամանակ փորձում եմ հաշվել կալորիաները, եթե գերազանցում են, փորձում եմ սպորտով լրացնել․․․
3-4 ամիսների ընթացքում մոտ 12 կգ նիհարեցի, այժմ մարզվում եմ տանը, շարունակում եմ ճիշտ սնվել։
Ամենակարևորը պետք է ունենալ կամքի ուժ, ունենալ նպատակ և ճիշտ կազմակերպել քայլերը, որպիսի նիհարելուն զուգահեռ, չվնասենք ինքներս մեզ։
Իր անձնական գեղեցկության խորհուրդներով մեզ հետ կիսվեց՝ Մարիա Ղարիպեանը
Մեկնաբանել