Բաղադրիչներ
- Սմբուկ - 5-6 հատ, միջին չափի
Մարինադի համար
- Քացախ 6% - 100 մլ
- Ջուր - 2 բաժակ
- Մեխակ - 4-6 հատ
- Դափնու տերև - 5 հատ
- Հատիկավոր սև պղպեղ - 10 հատ
- Աղ - 1,5 ճաշի գդալ
- Շաքարավազ կամ մեղր - 3 ճաշի գդալ
- Սխտոր - 10 պճեղ
- Ձիթայուղ
Պատրաստման եղանակը
Սմբուկը լվանում ենք, հեռացնում ենք կեղևը։
Բարակ կտրտում ենք, աղ ենք անում, թողնում ենք 15-20 րոպե, որպիսի ջուրը դուրս գա, ապա տապակում ենք ձիթայուղի մեջ։
Պատրաստենք մարինադը
Մարինադի համար նախատեսված բոլոր բաղադրիչները խառնում ենք իրար, եռացնում ենք և թողնում ենք հովանա։
Սխտորը ճզմում ենք առանձին ամանի մեջ։
Սմբուկի կտորները թաթախում ենք մարինադի մեջ, հանում ենք, սխտորով պատում ենք յուրաքանչյուր սմբուկ և տեղափոխում ենք խորը կաթսայի մեջ։
Վերջում սմբուկների վրա նորից լցում ենք մարինադի ջուրը, պահում ենք սառնարանում 3-5 օր։
Բարի ախորժակ...
Մեկնաբանել