Ծննդատունը սովորաբար տալիս է այն իրերի ցանկը, որոնք անհրաժեշտ կլինեն ծննդաբերության ժամանակ և հետագա մի քանի օրերի ընթացքում, երբ նորաթուխ մայրիկը և բալիկը պետք է մնան հիվանդանոցում: Սովորաբար, հետծննդաբերական ժամանակը, երբ մայրիկը և բալիկը մնում են հիվանդանոցում լինում է 2-4 օր։ Սակայն, որոշակի խնդիրների դեպքում, նրանք կարող են ավելի երկար մնալ հիվանդանոցում։
Իրերի քանակը կարող է տարբեր լինել, բայց հիմնականում համընկնում են․
- անձնագիրը, սոցիալական քարտը
- փոխանակման քարտը
- անհատական դեղորայք, եթե մայրիկը օգտագործում է կամ ցուցված է բժշկի կողմից
- հողաթափեր՝ լվացվող
- բամբակից, կամ այլ բնական կտորից հագուստ (առօրյա հագուստ, խալաթ, գիշերանոց, գուլպաներ)
- դուրսգրման հագուստ և կոշիկներ
- ներքնաշորեր
- անձնական օգտագործման պարագաներ (բաժակ, գդալ, ափսե և այլն)
- հիգիենայի պարագաներ (ատամի մածուկ, խոզանակ, օճառ, զուգարանի թուղթ և այլն)
- խնամքի միջոցներ (սանր, մազակալ, բամբակ, անհատական կոսմետիկ միջոցներ)
- կրծքի խնամքի միջոցներ, բամբակե բարձիկներ (ըստ ցանկության)
- թաց և չոր անձեռոցիկներ
- սրբիչներ մայրիկի ու բալիկի համար
- անկողնային տակդիրներ և հետծննդաբերական միջադիրներ մայրիկի համար
- ցանկության դեպքում՝ բջջային հեռախոս, ամսագիր, գիրք և այլն։
Նորածնի համար․
- նորածնային հագուստներ ըստ սեզոնի
- դուրսգրման հագուստ, սեզոնային հաստության ծածկոց
- նորածնային բոդիներ, շապիկներ, տոտիկներ 6-8 հատ
- բամբակե, նուրբ գլխարկներ, ձեռնոցներ, գուլպաներ
մանկական հագուստը պետք է լինի նախապես լվացված և արդուկված։
- մանկական տակդիրներ ըստ փոքրիկի քաշի
- կրեմ կամ ցանափոշի տակդիրի համար
- մանկական տակդիրներ՝ օրական 5-6 հատ հաշվարկով
Նորածինների դեպքում խորհուրդ ենք տալիս մի քանի ավել հագուստ վերցնել, քանի որ նորաթուխ մայրիկը կարող է սխալ հագցնել տակդիրը, կամ փոքրիկը կարող է փսխել մի քանի անգամ։
Մեկնաբանել