• 13 հունիս, 2024
     Ճանաչո՞ւմ եք մեզ - Հայրապետ Հայրապետյան

    Ճանաչո՞ւմ եք մեզ - Հայրապետ Հայրապետյան

    * * *
    Ես սողուն եմ թունավոր,
    Ինքս երկար ու կլոր
    Ոտքեր չունեմ, բայց արագ
    Սողում եմ ես համարձակ։

    * * *
    Կենդանի է վայրենի,
    Քնքուշ ու թանկ մորթ ունի,
    Ինքը ագահ, խորամանկ,
    Բույնը ունի հազար ծակ։

    * * *
    Մարդու, հոտի ու դռան
    Պահապանն են աննման,
    Ե՛վ մշակ եմ, և՛ որսկան,
    Ամեն բանի պետքական։

    * * *
    Սիրելի եմ ամեն տան,
    Մանուկներին բարեկամ,
    Մուշտակս տաք ու քնքուշ,
    Ես մկների՝ աչքի փուշ։

    * * *
    Ես մի անզեն կենդանի,
    Ունեմ անթիվ թշնամի,
    Շատ վախլուկ եմ ու պոչատ,
    Կրծողներին հարազատ։

    * * *
    Մեծ ծառերի փչակում
    Ես իմ պալատն եմ սարքում,
    Եվ ծառեի կատարին
    Ուտում ընկույզ ու կաղին։

    * * *
    Ես արքան եմ անտառի,
    Ձայնս ուժեղ, ահռելի,
    Ինձնից փախչում են, սարսում
    Մարդ ու գազան, անասուն։

    * * *
    Մարմնիս վրա, ահա, տե՛ս
    Սուր-սուր փշեր ունեմ ես.
    Մնով հյուրն եմ դաշտերի,
    Եվ թշնամին օձերի։

    * * *
    Կենդանի եմ մարդու պես,
    Ունեմ և՛ ձեռք, և՛ երես,
    Տունս՝ տաքուկ անտառը,
    Մեծ ծառերի կատարը։

    * * *
    Այգում, դաշտում, պուրակում
    Անուշ հյութ ենք հավաքում,
    Համեղ բան ենք տալիս ձեզ։
    Դուք ինչպե՞ս եք կոչում մեզ։

    Արտուտիկ - Հայրապետ Հայրապեետյան

    Արտուտիկ - Հայրապետ Հայրապեետյան

    Նախորդը

    Ի՞նչ թռչուններ են - Հայրապետ Հայրապետյան

    Ի՞նչ թռչուններ են - Հայրապետ Հայրապետյան

    Հաջորդը

    Մեկնաբանել