• 22 հունիս, 2024
     Նոր տարվա նվերը - Հայրապետ Հայրապետյան

    Նոր տարվա նվերը - Հայրապետ Հայրապետյան

    - Այ նոր տարի,
    Գալդ բարի,
    Դու մեզ նվեր
    Ի՞նչ ես բերել.

     


    Քաղցր խնձո՞ր,
    Չիր ու սալո՞ր,
    Թե՞ տանձ ու նուռ,
    Չամիչ մի բուռ։

     


    - Ջա՜ն, մանուկնե՜ր,
    Թո՛ղ ձեզ մրգեր
    Մայրիկը տա,
    Ինձ մոտ չկա։

     

    Ես ձեզ համար
    Մի-մի հարմար
    Գիրք եմ բերել,
    Մեջը պատկեր:

     


    Սրա նման
    Ուրիշ մի բան
    Էլ չգտա
    Իբրև ընծա։

     


    Գիրքն է տալիս
    Մտքեր բարի,
    Երգ, ցնծություն,
    Խաղեր սիրուն:

    Ձյունը - Հայրապետ Հայրապետյան

    Ձյունը - Հայրապետ Հայրապետյան

    Նախորդը

    Հյուրը - Հայրապետ Հայրապետյան

    Հյուրը - Հայրապետ Հայրապետյան

    Հաջորդը

    Մեկնաբանել