Լուսին, լուսին,Լուսերես,Ինչքան, ինչքանԿլոր ես։ Լույս ես տալիսԳիշերովՔո վառվռունԹշերով։
Ձկնի՛կ, լո՛ղ տուր, լո՛ղ արա,Դրսի որսը թո՛ղ արա.Իջի՛ր ջրի հատակը,Մինչև անցնի վտանգը։ Տե՜ս փորձանք կա քո գլխին,Մի լավ մտիկ երեխին.Որդ է խփել իր կարթին,Չմոտենաս էդ որդին։ Ինձ չլսեց շեկլիկը,Ինձ չլսեց բկլիկը,Հո՛պ, կուլ տվեց նա որդը,Կարթը մնաց կոկորդը։
Ծաղկունքն ամեն մեկ-մեկ բուսանՀարյուր - հազար գույն - գույն ներկած,Լեռ ու հովիտ ծաղիկ դարձան,Ծաղկանց ծովը ծըփ-ծըփծըփաց: Մանուշակը կապույտ գլխովԹաք է կացել թփերի տակ,Զանգակիկը մեղմ ճոճալովԹերն է ներկել կապույտ - սպիտակ: Ատամնավոր պսակ գլխինԿարմրել է ցից մեխակը,Իր բյուրավոր աչքը դեղին...
Անուշ հովերն են փչում,Ոսկի հասկերն են ծփում,Մանր ուլունք շաղ տալով՝Բարակ առուն կարկաչում: Առվի կանաչ ափերինԳառն ու ուլն են արածում,Ծաղիկները թփերինԱնուշ բուրմունք տարածում: Արշալույսը ոսկեզօծԾագեց հեռվից շողալով,Խոփը մտավ հողի ծոց,Ակոս շարեց սողալով:
Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա:
