• 13 հունիս, 2024
     Անտառը - Հայրապետ Հայրապետյան

    Անտառը - Հայրապետ Հայրապետյան

    Անտառի պես պճնասեր
    Էլ ուրիշը կլինի՞.
    Ունի սիրուն հագուստներ
    Եվ զարդարանք գեղանի։
    Մեկ էլ տեսար նա կանաչ
    Շորեր հագած, զարդարուն,
    Օրորվում է ձախ ու աջ,
    Ուրախ երգում ու պարում։
    Մեկ էլ դեղին շոր հագած,
    Տեղ-տեղ կարմիր ու նախշուն,
    Ապա մերկ ու գլխաբաց,
    Տրտնջում է, հառաչում։
    Մեկ էլ տեսար՝ շիփ-շիտակ
    Կանգնեց, հագավ ճերմակ շոր,
    Կախեց փայլուն գինդ, մանյակ,
    Կանգնեց անշարժ ու մոլոր։
    Եվ ողջ տարին պճնասեր,
    Սիրուն անտառը այսպես
    Փոփոխում է բյուր շորեր
    Ու զարդարանքը պես-պես։

    Ուռենու հյուրերը - Հայրապետ Հայրապետյան

    Ուռենու հյուրերը - Հայրապետ Հայրապետյան

    Նախորդը

    Սիրուն գիշեր - Հայրապետ Հայրապետյան

    Սիրուն գիշեր - Հայրապետ Հայրապետյան

    Հաջորդը

    Մեկնաբանել