• 12 հուլիս, 2024
     Է՜յ, ջան - հայրենիք, ինչքա՜ն սիրուն ես - Ավետիք Իսահակյան

    Է՜յ, ջան - հայրենիք, ինչքա՜ն սիրուն ես - Ավետիք Իսահակյան

    Է՜յ, ջան - հայրենիք, ինչքա՜ն սիրուն ես,
    Սարերըդ կորած երկնի մովի մեջ.
    Ջրերըդ անո՛ւշ, հովերըդ անո՛ւշ,
    Մենակ բալեքըդ արուն ծովի մեջ:

    Քու հողին մեռնեմ, անգի՛ն հայրենիք,
    Ա՜խ, քիչ է, թե որ մի կյանքով մեռնեմ,
    Երնեկ ունենամ հազար ու մի կյանք,
    Հազա՛րն էլ սըրտանց քեզ մատաղ անեմ:

    Ու հազար կյանքով քու դարդին մեռնեմ,
    Բալեքիդ մատա՛ղ, մատա՛ղ քու սիրուն.
    Մենակ մի կյանքը թո՛ղ ինձի պահեմ, -
    Է՛ն էլ` քու փառքի գովքը երգելուն, -

    - Որ արտուտի պես վե՜ր ու վե՜ր ճախրեմ
    Նոր օրվա ծեգիդ, ազի՛զ հայրենիք,
    Ու անո՛ւշ երգեմ, բա՛րձր ու զիլ գովեմ
    Կանաչ արևըդ, ազա՛տ հայրենիք...

    Մի խառնեք մեզ ձեր վայրի, արջի ցեղերին - Վահան Տերյան

    Մի խառնեք մեզ ձեր վայրի, արջի ցեղերին - Վահան Տերյան

    Նախորդը

    Դու կգաս ու կրկին հեքիաթով կդյութես - Վահան Տերյան

    Դու կգաս ու կրկին հեքիաթով կդյութես - Վահան Տերյան

    Հաջորդը

    Մեկնաբանել