Բաղադրիչներ Խմորի համար
- Ձու - 1 հատ
- Շաքարավազ - 150 գրամ
- Կարագ - 30 գրամ
- Սոդա - 1 թեյի գդալ
- Մեղր - 2 ճաշի գդալ
- Կաթ - 3 ճաշի գդալ
- Ալյուր - 400 գրամ
- Կակաո - 2-3 ճաշի գդալ
Կրեմի համար
- Ձու - 1 հատ
- Ալյուր - 2 ճաշի գդալ
- Շաքարավազ - 100 գրամ
- Կաթ - 300 մլ
- Կարագ - 300 գրամ
- Պոպոկ
Գլազուր
- Շոկոլադ - 100 գրամ
- Կարագ - 100 գրամ
Պատրաստման եղանակը
Խմոր Խմորի համար նախատեսված բոլոր բաղադրիչները, բացի ալյուրից և կակաոյից, լցնում ենք մետաղական տարայի մեջ, խառնում ենք և դնում ենք թույլ կրակին: Եփում ենք մինչև դառնա միասեռ զանգված և գույնը մի քիչ փոխվի: Հանում ենք կրակից, թողնում ենք հովանա: Ավելացնում ենք ալյուրը և կակաոն, հունցում ենք խմոր: Բացում ենք 4-5մմ հաստությամբ և թխում ենք: Թխվում է շատ արագ, րոպեների ընթացքում: Կրեմ Ձուն և շաքարավազը խառնում ենք իրար, խառնելով ավելացնում ենք ալյուրը, ապա փոքր բաժիններով կաթը: Ջրային գոլորշու վրա եփում ենք կրեմը, անընդհատ խառնում ենք մինչև պնդանա: Թողնում ենք սառի: Հարում ենք կարագը, փոքր բաժիններով ավելացնում ենք եփված զանգվածը: Թխված խմորի շերտերին քսում ենք կրեմը, ըստ ցանկության ավելացնում ենք կտրտած պոպոկը: Թողնում ենք սենյակային ջերմաստիճանում 1-2 ժամ, որպիսի կրեմը ներծծվի խմորի մեջ: Գլազուր Շոկոլադը և կարագը դնում ենք մետաղական տարայի մեջ և հալեցնում ենք գոլորշու վրա: Լավ խառնում ենք, հանում ենք կրակից և լցնում ենք տորթի վրա: Կարող ենք նաև զարդարել փոփոկի հատիկներով, խմորի փշուրներով և կակաոյով: Բարի ախորժակ
Մեկնաբանել