• 22 հունիս, 2024
     Գիշեր - Հայրապետ Հայրապետյան

    Գիշեր - Հայրապետ Հայրապետյան

    Գեղեցիկ ու զով
    Գիշեր է պայծառ,
    Անուշիկ քնով
    Քնած է աշխարհ։

     

    Ծառերը մեղմիկ
    Քամուց օրորվում,
    Հեզիկ ու նազիկ,
    Երգ են սվսվում։

     

    Իսկ լայնատարած
    Երկնակամարով
    Լուսինն է կամաց
    Անցնում սահելով։

     

    Աստղերն էլ սիրուն
    Ժպիտով փայլում,
    Իրենց թագուհուն
    Ճամփա են դնում։

     

    Գեղեցիկ ու զով
    Գիշեր է պայծառ,
    Անուշիկ քնով
    Քնած է աշխարհ։

    Հնձի երգը - Հայրապետ Հայրապետյան

    Հնձի երգը - Հայրապետ Հայրապետյան

    Նախորդը

    Արտուտիկ - Հայրապետ Հայրապեետյան

    Արտուտիկ - Հայրապետ Հայրապեետյան

    Հաջորդը

    Մեկնաբանել