Աննա Զուեվա, FaceFitnes-ի սերտիֆիկացված մասնագետը ունի կարևոր նվեր հայ կանանց ու աղջիկներին։
Դեմքի համար նախատեսված վարժությունների այս փոքրիկ շարքը, որը ընդամենը Ձեզանից կխլի օրական 5 րոպե, կդառնա Ձեր գեղեցկության գրավականը։
Վարժությունները լավացնում են դեմքի արյան շրջանառությունը, ամրացնում են մկանները, որի արդյունքում էլ դեմքը ավելի երիտասարդանում ու գեղեցկանում է։
Դեմքի մերսման ուղղությունները
Կարևոր է հետևել մկանների դիրքին։ Մերսում ենք դեմքը հետևյալ ուղղություններով․
Ճակատը՝ ունքերից մինչև մազարմատներ
Քիմքերը՝ անկյունագծով
Վերևի կոպ՝ աչքերի ներսի անկյունից մինչև դրսային անկյուն
Ներքևի կոպ՝ դրսային անկյունից մինչև ներսի անկյուն
Աչքերը՝ շրջանաձև, ինչպես ցուցադրված է նկարում
Այտերը՝ քթի մոտից մինչ ականջներ
Քիթ՝ մեջտեղի հատվածում մերսում ենք ներքևից վերև, իսկ կողային հատվածները՝ վերևից ներքև
Վիզը՝ դիմային հատվածը՝ ներքևից վերև, իսկ կողքային հատվածները՝ վերևից ներքև
Շրթունքների սեղմում
Խնամքով և նրբորեն սեղմում ենք վերին և ստորին շրթունքներն ու իրենց շրջակա մաշկը
բութ մատով և ցուցամատով շուրջ 30 վայրկյան։
Շրթունքների թուլացում խցանի միջոցով
Վերցնում ենք կլոր, թեթև առարկա և պահում շրթունքների միջև, որի արդյունքում շրթունքները լիովին թուլացած են և լարված չեն ու մնում ենք այսպես 30 վայրկյան։
Ճակատի վարժություն «Բոտոքս»
Ձեռքի ափերը տեղադրում ենք ճակատի վրա՝ հոնքերի ու քիմքերի շրջակայքում և մատերով ամուր սեղմելով ճակատային մկանը իջեցնում ենք ներքև և միաժամանակ հոնքերը բարձրացնում վերև։
Արդյունքները իրենց երկար չեն սպասեցնի, եթե օրական 10-15 րոպե տրամադրեք դեմքի մերսումներին, նշում է մասնագետը։
Դե ինչ, եղեք բնական, գեղեցիկ ու խնամված ))
Մեկնաբանել