Երեխաների կարդալու հմտությունների ձևավորմանը նպաստող խաղային վարժություններ

Խաղային վարժությունները ընթերցանության ուսուցման և զարգացման համար չափազանց արդյունավետ են, քանի որ դրանք միավորում են ուսումնական գործընթացն ու զվարճանքը։ Խաղերի միջոցով երեխաները ավելի հեշտ և մոտիվացված են սովորում, ինչը նպաստում է կարդալու հանդեպ սիրո ձևավորմանը 

«Գտիր տառը» 

• Ինչպես խաղալ: 
• Տվեք երեխային բառային քարտեր և առաջարկեք գտնել սկսվող տառը։ 
• Օրինակ, «արև» բառը սկսվում է «ա» տառով 
• Նպատակ: Օգնում է զարգացնել տառաճանաչությունը։ 

Արև - Ա 

«Վանկերից բառեր կազմենք» 

• Ինչպես խաղալ: 
• Տարածեք վանկերով քարտեր (օրինակ՝ «ա», «շուն», «կա»,«տու») և առաջարկեք երեխաներին կազմել բառեր։ 
• Նպատակ: Զարգացնում է վանկերի հետ աշխատելու հմտությունը 

«Տառերի որս» 

Ինչպես խաղալ: 

• Տեղադրեք տառերի քարտերը սենյակի տարբեր վայրերում։ 
• Ասացեք երեխային գտնել այն տառերը, որոնք անհրաժեշտ են, օրինակ, «մայր» բառը կազմելու համար։ 
• Նպատակ: Զարգացնում է ուշադրությունը և տառաճանաչությունը։ 

«Ուրախ համադրում» 

Ինչպես խաղալ: 

•  Նկարի կողքին գրեք նկարին համապատասխան բառեր կամ կարճ նախադասություններ։ 
• Խնդրեք երեխային կարդալ բառը և գտնել նկարին համապատասխանող առարկան։ 
• Նպատակ: Զարգացնում է բառերի ընկալումը և մտածողությունը։ համապա 

«Խառնված տառերը» 

Ինչպես խաղալ: 

•  Գրեք մի բառի տառերը խառնած ձևով։ 

Օրինակ՝ «պժտի»(ժպիտ)։ 

• Խնդրեք երեխային ճիշտ դասավորել տառերը՝ ստանալու ճիշտ բառը։ 
• Նպատակ: Զարգացնում է բառերի կազմման և վերլուծման հմտությունը։ 

«Հարցեր և պատասխաններ» 

Ինչպես խաղալ: 

• Կարդացեք մի փոքրիկ տեքստ երեխային և հարցրեք պարզ հարցեր դրա բովանդակության մասին։ 
• Օրինակ՝ «Ի՞նչ էր անում կատուն հեքիաթում»։ 
• Նպատակ: Օգնում է զարգացնել ընթերցանության ընկալումն ու տեքստից հիմնական գաղափարների ըմբռնումը։ 

Մանկավարժական խորհուրդներ ընթերցանության ուսուցման համար։ 

1. Անհատական մոտեցում 

• Հաշվի առեք երեխայի կարողությունները և հետաքրքրությունները։ 

2. Գովասանքի կարևորություն 

• Գովեք յուրաքանչյուր փոքր հաջողություն՝ ինքնավստահությունը խթանելու համար  

3. Ընթերցանության ժամեր 

•    Օրվա մի ժամը նվիրել միայն գրքի ընթերցանությանը՝ ապահովելով հարմարավետ պայմաններ։ 

4. Ընթերցանության անկյուն:  

• Դասարանում ստեղծել գրքերով անկյուն, որտեղ երեխաները կարող են կարդալ իրենց սիրելի պատմությունները։ 

5. Գրքերի ընտրություն: 

• Օգտագործել հետաքրքիր նկարազարդված գրքեր, որոնք համապատասխանում են երեխաների տարիքային առանձնահատկություններին։ 

6. Մրցույթներ 

• Կազմակերպել կարդալու մրցույթներ՝ խթանելու երեխաների մոտիվացիան։ 

7. Ստեղծեք աջակցող և ոգևորող միջավայր 

• Համբերատար եղեք,երբ երեխան սխալվում է, մի շտապեք շտկել նրան. խրախուսեք փորձել նորից կարդա։ 

8. Կարճ քննարկումներ:  

• Երեխաների հետ քննարկել տեքստի բովանդակությունը՝ օգնելով նրանց հասկանալ հերոսների գործողությունների և իրադարձությունների պատճառները։ 
• Ընթացիկ ուղղորդում: Կարդալիս երեխան հետևի տեքստին մատով։

Հեղինակ՝ Մարիանա Խաչատրյան

Հատուկ մանկավարժ՝ «Մալխասյան» Խոսքի Զարգացման Կենտրոն

Հեռ.՝ 044 88 83 12

Հասցե՝ Ք. Երևան, Մանթաշյան 41