Կարելի է արդյոք թռչել ինքնաթիռով հղիության ժամանակ և ինչքանով է դա վտանգավոր կախված է մայրիկի օրգանիզմից։ Նման որոշում ընդունելուց առաջ հղին անպայման պետք է խորհրդակցի բժշկի հետ։
Վտանգները թռիչքի ժամանակ հղիի համար
Ապագա մայրիկի համար վտանգները հետևյալն են.
- Ճնշման անկումները։ Հղիության երկրորդ եռամսյակում այն կարող է բերել վաղաժամ ծննդաբերության, իսկ առաջին եռամսյակում՝ վիժման: Հենց թռիչքը վտանգավոր չէ, հիմնական վտանգը ինքնաթիռի վերելքի և վայրեջի ժամանակ ճնշման կտրուկ տատանումներն ու անհանգստությունն է: Եթե ուլտրաձայնային հետազոտության ժամանակ գրանցվի, որ արգանդի վիճակը հանգիստ է, և բժիշկը որևէ խնդիրներ չի տեսնի, ապա հղին կարող է թռչել, սական անգամ փոքրիկ վտանգի դեպքում պետք է լավ մտածել:
- Թթվածնային քաղցը: Սովորաբար մարդիկ թթվածնի քիչ անբավարարությունը կարճ ժամանակահատվածի համար նորմալ են ընդունում, եթե թռչել կարճ ժամանակ, մեկ-երկու ժամ, բալիկը կարող է այդ տատանումները այնքան էլ չզգալ: Սակայն եթե պետք է թռչել երկար ժամանակ, վտանգը ավելի է մեծանում: Կարող են խնդիրները ի հայտ գալ ոչ թե թռիչքի ժամանակ, այլ ավելի ուշ:
Ընդունված է համարել, որ առավել անվտանգ է ինքնաթիռով թռչել հղիության երկրորդ եռամսյակի ժամանակ: Պտուղը ամուր կպած է և շարունակում է զարգանալ, ընկերքը բավականին զարգացած է փոքրիկին պաշտպանելու համար, տոքսիկոզը ավելի քիչ է անհանգստացնում մայրիկին, փորիկն էլ շատ մեծ չէ և շարժումներին չի խոչընդոտում:
Երբ է արգելված թռչել
- հղիության 32-րդ շաբաթից հետո, եթե հղիությունը առաջինը չէ, կամ բազմապտուղ է
- հղիության 36-րդ շաբաթից հետո առաջին հղիության դեպքում
- խնդիրներով հղիության դեպքում
- ծննդաբերությունից հետո 7 օրերի ընթացքում
Ցանկացած դեպքում, նախքան ինքնաթիռ նստելը, պետք է անպայման խորհրդակցել բժշկի հետ, և միայն նրա թույլտվությունից հետո թռչել:
Մեկնաբանել