Հղիության առաջին օրից մայրիկին և ընտանիքի մյուս անդամներին հետաքրքրում է երեխայի սեռը։
Գոյություն ունեն բազմաթիվ աղյուսակներ սեռը որոշելու համար։ Սակայն ամենահստակը ուլտրաձայնային և գենետիկական հետազոտություններն են։
Գետետիկական հետազոտությունը արվում է մայրիկի զարկերակային արյան միջոցով։ Արդեն հղիության 10 շաբաթում, հնարավոր է նաև ավելի շուտ, 8-րդ շաբաթում, մայրիկի արյան մեջ եթե հանդիպում է Y-խրոմոսոմ, ապա դա վկայում է արու զավակ ունենալու փաստը։ Եթե Y-խրոմոսոմ չի հայտնաբերվում մայրիկի արյան մեջ, ապա երեխան կլինի իգական սեռի։
Ուլտրաձայնային հետազոտության համեմատ, որը իրականացվում է պտղի արտաքինի ուսումնասիրությամբ, գենետիկական անալիզի միջոցով հետազոտվում է պտղի ԴՆԹ-ն։
Արյան միջոցով սեռի որոշման սխեման մշակվել է 2007 թվականին ամերիկայն Consumer-GeneticsInc ընկերության կողմից։ Այժմ այն օգտագործվում է գրեթե բոլոր զարգացած երկրներում։ Այս թեստի առավելությունն է հանդիսանում
- պտղի սեռի որոշումը սկսած հղիության 8 շաբաթից
- մոր և պտղի լիարժեք անվտանգությունը
- ճշգրտությունը։
Գենետիկական հետազոտությունը հանձնելու համար պետք է միայն վերցնել մայրիկի զարկերակայի արյունը։ Մնացած գործողությունները կատարվում են լաբորատորիայում։ Նախքան հետազոտության գնալը մայրիկի համար չկա որևէ սահմանափակում սննդի օգտագործման մեջ, սակայն պետք է սահմանափակել սեռական հարաբերությունները առնվազն 24 ժամվա ընթացքում։
Այս հետազոտության միջոցով բացահայտվում են նաև պտղի հնարավոր գենետիկական հիվանդությունները (անէնցեֆալիան (պտղի գլխուղեղի բացակայություն), կատարակտան, դաուն համախտանիշը․․․)
Բացի այդ, գենետիկական հետազոտությունը ցուցված է այն զույգերին, որոնց մոտ անհայտ պատճառներով վիժումներ, մեռելածնություն և երեխայի վաղաժամ մահացություն է արձանագրվել, քանի որ հնարավոր է, որ նրանք (կինը կամ տղամարդը) լինեն որևէ ժառանգական հիվանդության կրող ու չիմանան այդ մասին:
Պտղի զարգացման անոմալիաների առումով բարձր ռիսկի մեջ մտնում են հետևյալ խմբերը՝
- մոր տարիքը 35-ից բարձր է
- ծնողներից որևիցե մեկի ընտանիքում գոյություն ունի ժառանգաբար փոխանցվող որևէ հիվանդություն
- նախկինում զարգացման արատ կամ գենետիկական դեֆեկտ ունեցող երեխայի ծնունդ
- ծնողներից որևէ մեկը ունի խրոնիկական հիվանդություն
- հղին ենթարկվել է արատածին ազդեցություն ունեցող դեղորայքի, ֆիզիկական գործոնի կամ ինֆեկցիոն գործոնի ազդեցության,
- հղին տառապում է առաջին տիպի շաքարային դիաբետով, էպիլեպսիայով և այլն:
Առողջություն բոլորին
Մեկնաբանել