ՀԲԸՄ «Նաիրի» ճամբարը կհյուրընկալի հերոսների 7 -13տ զավակներին, քույրերին և եղբայրներին

ՀԲԸՄ «Նաիրի» ճամբարը երրորդ տարին անընդմեջ անվճար կհյուրընկալի Արցախյան երկրորդ պատերազմում նահատակված, գերի ընկած, վիրավորված, անհետ կորած հերոսների 7 -13 տարեկան զավակներին, քույրերին և եղբայրներին, ինչպես նաև Արցախից տեղահանված երեխաներին՝ ծնված 2010 - 2016 թթ.:
Ճամբարի ողջ ընթացքում փոքրիկները բնության գրկում կվայելեն ամառային արձակուրդները, ձեռք կբերեն նոր ընկերներ, ինչպես նաև կծանոթանան հայ ազգային պարերին, կզարգացնեն ստեղծագործելու, մտածելու և նորը ստեղծելու ունակությունները:
ՀԲԸՄ «Նաիրի» ճամբարը գտնվում է գեղատեսիլ Հանքավանում և հագեցած է բոլոր անհրաժեշտ հարմարություններով երեխաների լիարժեք հանգիստն ապահովելու համար:

Ճամբարի օրեր ՝ 

• Օգոստոս 1-12, I փուլ
• Օգոստոս 14-26, II փուլ
  
  

Մասնակցելու համար հետաքրքրված անձանց երեխաների հետ միասին խնդրում ենք մոտենալ ՀԲԸՄ Հայաստանի գրասենյակ (Մելիք-Ադամյան փ. 2/2) հինգշաբթի, մայիսի 25-ին՝ ժամը 14:00-17:00-ն:
Անհրաժեշտ է ներկայացնել նաև երեխաների անձնագրերի կամ ծննդյան վկայականների պատճենները, երկուական անձնագրի լուսանկար (35 x 45 մմ) և բժշկական տեղեկանք երեխայի պարտադիր պատվաստումների վերաբերյալ:

 Հավելյալ տեղեկությունների համար դիմե՛ք ճամբարի տնօրեն Հերմինե Դուզյանին՝ hduzian@agbu.org կամ 055 683 173:

ՀԲԸՄ Facebook