Հանտավիրուս

 Covid-19 կորոնավիրուսի համաճարակի օրերին լսելով Չինաստանում նոր մահվան մասին, որը առաջացել է հանտավիրուսի պատճառով, որոշ աղբյուներ հայտարարեցին Չինաստանում հայտնավերված նոր վիրուսի մասին։ Սակայն, օրթոհանտավիրուսը, կամ հանտավիրուսը ամենևին նոր վիրուս չէ, այն հայտնաբերվել է դեռևս 1978 թվականին։ Այն անգամ վիրուս չէ, այլ վիրուսների համախումբ է, որը այսօր բավականին լավ ուսումնասիրված է։ 

Հանտավիրուսը բավականին ծանր, երբեմն մահացու վտանգավոր ինֆեկցիա է, առաջացնում է տենդ, հիմնականում ազդում է երիկամների վրա։ 

Տարածում են կրծողները, որոնց վրա վիրուսը չի ազդում։ Մարդը կարող է վարակվել հանտավիրուսով, եթե դիպչի վարակված կրծողի մեզին, կղանքին, կամ նրան հիվանդ կրծողը կծի։ 

Կա կարծիք, որ վիրուսը կարող է տարածվել հիվանդ մարդու մեզի միջոցով, սակայն օդակաթիլային տարբերակով այն չի տարածվում։ Մինչ այժմ չի բացահայտվել դեպք, երբ վիրուսը փոխանցվել է մարդուց։

Ընդհանուր առմամբ, այս վիրուսով քիչ են վարակվում, բայց այն շատ վտանգավոր է, վարակվածների 30-40 տոկոսը մահանում են։ 

ԱՄՆ֊ում տարեկան գրանցվում է համտավիրուսով վարակման մոտ 30 դեպք։ Չինաստանում տարեկան վարակվում են 16֊ից 100 հազար մարդ։ Սկսած 2008 թվականից երկրի որոշ հատվածներում չինացիները հանտավիրուսի դեմ պատվաստում են մարդկանց։ 

Հանտավիրուսից խուսափելու համար պետք է մաքուր պահել շրջակա միջավայրը և հեռու մնալ կրծողներից։ 

Նյութի աղբյուրը՝ https://ria.ru/20200325/1569148137.html