Աուրան և նրա երանգները

Աուրան մարդկային մարմինը շրջապատող էներգետիկ դաշտ է (ընդ որում, հարկ է նշել, որ Աուրա ունեն նաև կենդանիները, բույսերը և նույնիսկ անշունչ առարկաները):

Գույները սպեկտրի տարբեր մասերն են: Այսինքն, գույն ասելու փոխարեն, կարելի է ասել «ալիքների երկարություն» կամ «հաճախականություն»: Մարդն է այն ընկալում որպես գույն։

Աուրան ցույց է տալիս, մարդը առողջ է, թե՞ հիվանդ, եթե հիվանդ է, ապա ի՞նչ հիվանդություն ունի:

Աուրայի մեջ կարելի է տեսնել ոչ միայն առողջությունը և հիվանդությունները, այլ նաև տվյալ պահի հոգեէներգետիկ վիճակը, ավելին, նույնիսկ այդ մարդուն յուրահատուկ էմոցիաներն է հնարավոր բացահայտել աուրայի միջոցով:

Աուրայի գերակշռող գույները սահմանում են անձի կարևոր առանձնահատկությունները:

Ստորև կնկարագրեմ մարդու աուրայի որոշ գույների տեսակները և համապատասխան բացատրությունները։
Այսօր կսկսենք կարմիր գույնից և նրա երանգային խաղից՝

• Աուրայի կարմիր գույնը նշանակում է առույգություն, ուժ, անձնուրաց սեր և էներգիա: Այս գույնը ցույց է տալիս մարդու առաջնորդական կարողությունները, ինչպես նաև սեքսուալ լավ պոտենցիալը և հավակնությունները:
• Մուգ կարմիր գույնը մատնանշում է չհավասարակշված նյարդային համակարգը և բռնկուն լինելը: Մարդիկ, որոնց մոտ գերակշռում է մուգ կարմիր գույնը, սիրում են իշխել մյուսների վրա, համարվում են ամուր, գործունյա և վճռական:
• Խամրած կարմիրը ողողված կարմրի մուգ երանգներով կամ հենց կարմրի մուգ երանգները նշանակում են, որ մարդը հակված է զայրութի պոռթկումների, ագահ է հաճույքների հանդեպ, ագրեսիվ է և բռնկուն: Այդպիսի մարդը անհուսալի է և նենգ, նա միշտ ձգտում է ապրել ուրշների հաշվին:
• Աուրայի կարմրա-շագանակագույնը մատնանշում է խորամանկությունը, էներգիայի անբավարարությունը, մտքերի պարզության բացակայությունը: Այդ գույնը բնորոշ է չափից ավելի ինքնավստահ և էգոիստ մարդկանց: Այն կեղծ հպարտության գույնն է:

Նյութի հեղինակ՝ Անի Նալբանդյան