Զանգերը կհնչեն միայն այն դեպքում, երբ պարանը միասին քաշեք ...

Կարդալ՝ ր
3740

Ամուսնության արարողությունից հետո, նորապսակներին հրաժեշտ տալու պահը անմոռանալի դարձնելու համար, մի քահանա մտածել էր անսովոր եղանակ։
Հարսանիքից հետո նա նորապսակներին առաջնորդում էր դեպի եկեղեցու մուտքը և ասում.
«Նախքան հեռանալը, հարսին տրվում է եկեղեցու զանգը հնչեցնելու մեծագույն պատիվը»:
Դրանից հետո նա հաստ պարան դնում էր հարսի ձեռքին: Վերջինս ամբողջ ուժով քաշում էր պարանը, բայց ամեն անգամ պարզվում էր, որ հարսը չի կարող շարժել մետաղյա ծանր զանգը:

Քահանան խնդրում էր փեսային օգնել հարսին: Նրանք միասին քաշում էին պարանը, և եկեղեցու զանգը հայտարարում էր նոր ընտանիքի ծնունդը:
Զանգի ղողանջներից հետո քահանան հորդորում էր երիտասարդներին.
- Երբ անցնում եք կյանքի դժվարին ուղիով, երբեք մի մոռացեք, որ զանգերը կհնչեն միայն այն դեպքում, երբ պարանը միասին քաշեք ...