Յոգա, ինչ հաճախականությամբ պարապել․․․ Քրիստինա Էլբակյան

Շաբաթական երեք անգամ պարապելը սկսնակի համար լավագույն տարբերակն է։ Միևնույն ժամանակ, պարապունքների ժամանակացույցը շատ ինդիվիդուալ է։

Որոշ մարդիկ ամեն օր են պարապում և իրենց համար հաճելի է այդ ինտենսիվ վիճակը։

Ժամն էլ է շատ անհատական։ Իմ աշխատանքային փորձի ընթացքում տարբեր կարծիքներ եմ լսել: Մի մասը ասում են, որ առավոտյան յոգան շատ լավ է և ողջ օրվա ընթացքում թարմ, առույգ են իրենց զգում, ոմանք էլ ասում են, որ երեկոյան, աշխատանքից հետո, յոգան օգնում է լավ հանգստանալ:

Ցերեկները հիմնականում գալիս են չաշխատող կանայք, ոչինչ էլ չեն ասում, ուղղակի իրենց համար հարմար ժամ է։

- Պարապել առավոտյան, թե՞ երեկոյան․․․

Հաճախ ենք լսում այսպիսի հարցեր։ Ճիշտ և սխալի հարց չկա։ Եթե տարիներ առաջ ասում էին, որ առավոտյան մարզվելը ճիշտ է և պարտադիր, հիմա հակառակն են ապացուցում, մեկնաբանելով, որ առավոտյան մկանները դեռ արթնացած չեն լինում և տրավմայի են ենթարկվում:

Որպես ուսուցիչ կասեմ, պետք է փորձել բոլորը և ճանաչել սեփական օրգանիզմը, հասկանալ, թե որ ժամանակահատվածն է առավել հարմար մեզ և ընտրել հենց այդ տարբերակը:

Յոգայի համար միջին ժամը 90 րոպեն է, դրանից քիչը՝ քիչ է:

Յոգայից առաջ պետք է չսնվել մոտավոր 1,30 ժամ, իսկ եթե ծանր, մսային սնունդ եք ընդունել, ապա 3 ժամ պետք է անցնի մինչ պարապելը։ Իսկ յոգայից հետո նպատակահարմար է 1 ժամ չսնվել, և 30 րոպե անց կարելի է ջուր խմել։

Հեղինակ՝ Քրիստինա Էլբակյան