Տնական կաթնաշոռ

Բաղադրիչներ

1. Կաթ - 2 լիտր

Նշված քանակից ստացվում է 400 գրամ կաթնաշոռ

Պատրաստման եղանակը

Կաթը թողնում ենք սենյակում, տաք տեղում 1-3 օր, ժամանակը կախված է ջերմաստիճանից: Որիպիսի ավելի արագ ստացվի կաթնաշոռը, կարող ենք կաթի մեջ ավելացնել երկու գդալ թթվասեր կամ սև հացի կտոր:

Եթե կաթը թթվում է սառնարանում, այն կարող է փոխել իր համն ու հոտը: Եթե տեսնում եք, որ կաթը սառնարանում սկսում է թթվել, ավելի լավ է այն թողնել սենյակում, և ստանալ համեղ և օգտակար կաթնաշոռ:

Թթված կաթը նմանվում է դոնդողի՝ ժելեի: Այդ ժամանակ կաթը լցնում ենք կաթսայի մեջ և դնում ենք թույլ կրակի վրա: Եփելու ընթացքում անընդհատ խառնել:

Հանում ենք կրակից, թողնում ենք հովանա, քամիչի օգնությամբ հեռացնում ենք ավելորդ հեղուկը և կաթնաշոռը պատրաստ է։

Բարի ախորժակ։