Տեղի ունեցավ «Օլիմպիկոս» մուլտֆիլմի պրեմիերան

Մայիսի 27-ին տեղի ունեցավ «Օլիմպիկոս» անիմացիոն ֆիլմի պրեմիերան, որի ստեղծման աշխատանքները տևել են 6 տարի:

Ինչպես նշում են Sahakyants Animation Studio-ն, «Մենք՝ հայերս, դեռևս IV դարում ունեցել ենք մեր օլիմպիական չեմպիոնը:

Մեծ Հայքի Վարազդատ արքան օլիմպիական խաղերում փառահեղ հաղթանակ է տարել բռնցքամարտում՝ դառնալով առաջին Օլիմպիականը:

Ահա այս պատմական փաստն է գունագեղ, գրավիչ, հումորով ու հրաշալի երաժշտությամբ հագեցած «ՕԼԻՄՊԻԿՈՍ» անիմացիոն ֆիլմում, որը մայիսի 27-ից կհայտնվի մեծ էկրաններին», նշում են նրանք։ 

Մուլտֆիլմը պատմում է Մեծ Հայքի Վարազդատ Արշակունի արքայի մասին, որը Հունաստանում Օլիմպիական չեմպիոն է հռչակվել:

Նա 394 թվականի խաղերում 1-ին տեղն է գրավել բռնցքամարտի մրցումներում, կասեցրել իր թշնամու կողմից կազմակերպված դավադրություններն ու հաղթանակած վերադարձել Հայաստան:

Մուլտֆիլմում կլսենց սիրելի հայտնիների ձայները․

Արման Նավասարդյան՝ Վարազդատ արքա

Զարուհի Բաբայան՝ Գոհար թագուհի

Մկրտիչ Արզումանյան՝ գլխավոր չարագործ

Ջուլիետա Ստեփանյան՝ Վարազդատ արքայի զոքանչ ․․․

Նանուլ՝ Նանե