Մրջնաբույն

Բաղադրիչներ

1. Կարագ - 120 գրամ
2. Կաթ - 4 ճաշի գդալ
3. Ձու - 1 հատ
4. Ալյուր - 2-2,5 բաժակ
5. Շաքարավազ - 3 ճաշի գդալ
6. Խտացրած կաթ - 1 տուփ
7. Պոպոկ - 100 գրամ
8. Աղ - 1 թեյի գդալ
9. Շաքարի փոշի - ըստ ճաշակի

Պատրաստման եղանակը

Ձուն լավ հարում ենք շաքարի և կաթի հետ: Հալեցնում ենք կարագ ը և ավելացնում ենք ձվին: Ավելացնում ենք աղը, հարելով ավելացնում ենք ալյուրը: Հունցում ենք պինդ խմոր, բաժանում ենք երկու մասի: Խմորները դնում ենք սննդային պոլիէթիլենային տոպրակների մեջ և դնում ենք սառցախցիկի մեջ 1-ից 2 ժամ: Սառը խմորները թաթախում ենք ալյուրի մեջ և քերում ենք միջին կամ մանր քերիչով: Թխում ենք ջեռոցում 180 աստիճան ջերմությամբ մինչև խմորը դառնա ոսկեգույն: Թխելուց հետո խմորը մաղի օգնությամբ հեռացնում ենք ավելորդ ալյուրը: Մանրացնում ենք պոպոկը: Խառնում ենք թխված խմորը, պոպոկը և խտացրած կաթը: Խմորը ձևավորում ենք կոների նման, վրան շաքարի փոշի ենք անում կամ կարող ենք զարդարել սննդային գնդիկներով, աստղիկներով, փայլերով... Բարի ախորժակ