Կարմիր լոբիով աղցան

Բաղադրություն

• Կարմիր, հատիկավոր լոբի - 300 գրամ
• Թարմ կանաչի՝ սոխ, համեմ, սամիթ - ըստ ճաշակի
• Բուսայուղ - 1 ճաշի գդալ
• Աղ, սև պղպեղ ըստ ճաշակի

Պատրաստման եղանակը

Կարմիր, հատիկավոր լոբին լվանում ենք, թողնում ենք սառը ջրի մեջ 2 ժամ։ Ապա եփում ենք մինչև փափկի։ 
Մանր կտրտում ենք կանաչին, ի դեպ, որքան շատ, այնքան համեղ է ստացվում։ Եթե սիրում եք կծու աղցաններ, կարող եք կանաչ սոխը ավելի շատ դնել։ Ցանկության դեպքում կարող եք ավելացնել մի փոքր սխտոր, յուրահատուկ համի համար։

Կտրտած կանաչին խառնում ենք եփած, սառած ու լավ ջրքամած լոբիի հատիկների հետ, ավելացնում ենք աղը և համեմունքները, լավ խառնում ենք։ Վերջում ավելացնում ենք բուսայուղը և մատուցում ենք։

Բարի ախորժակ։