Ես երբեք չեմ կարողանա «կրել» Քիմի մարմինը,- գրել է Նազենի Հովհաննիսյանը

Դերասանուհի, հաղորդավարուհի Նազենի Հովհաննիսյանը, ինչպես գիտենք, յոգայի սիրահար է: Նա Ինստագրամի իր էջում լուսանկար է հրապարակել հերթական պարապմունքից, որն ուղեկցվում է հետաքրքիր գրառմամբ:

«Բոլորովին, անհավանական հեռու ենք իդեալական լինելուց: Կամ ո՞րն է այդ «իդեալականը» տեսնես... Աշխարհն ամեն անգամ թելադրում է նոր պարամետրեր, նոր ուղղություններ կամ ստանդարտներ, իսկ ես կարծում եմ, որ ամեն մարդ ունի իր չափորոշիչներն ու իրեն բնորոշ յուրահատկությունները, եւ հենց դա է ախր հետաքրքրություն ստեղծում, տարբերում ու առանձնացնում մեզ: Կարճ ասած, ես երբեք չեմ կարողանա «կրել» Քիմի մարմինը:), բայց նա էլ երեւի չի կարողանա անել այս ասանան (դե, այս ծանրությունները վերեւ պահելը հեշտ գործ չէ, ես իմը հազիվ եմ հավաքել):

Հ.Գ. Թերությունները չէ, որ պետք է վախեցնեն կամ հուսահատեցնեն, չէ՞ որ դրանք բարեբախտաբար կան:): Կարեւորը ձգտումն է ինքդ քո առավելագույնին հասնելու»: