Օլիմպիական խաղերի, Աշխարհի և Եվրոպայի չեմպիոն,  հունահռոմեական ոճի ըմբշամարտի ընտրանու անդամ Արթուր Ալեքսանյանը  ֆեյսբուքի իր էջում  անդրադարձել է աշխարհի առաջնության եզրափակչին չմասնակցելուն:

«Անչափ շնորհակալ եմ բոլորիդ՝ ինձ երկրպագելու և դժվար պահին սատարելու համար: Շատ եմ ցավում, որ լուրջ վնասվածքը խանգարեց՝ հաղթանակի բերկրանք պարգևել ձեզ: Հավատացնում եմ, որ դեռ շատ եմ հաղթելու, դուք էլ շատ եք ուրախանալու»,- գրել է Արթուրը:

Նշենք որ Ալեքսանյանը հանդես էր գալիս 97 կգ քաշային կարգում, և եզրափակչում  նա պետք է մրցեր Ռուսաստանից աշխարհի գործող չեմպիոն Մուսա Եվլոևի հետ: Բայց նա չկարողացավ դուրս գալ գոտեմարտի նախօրեին ստացած վնասվածքի պատճառով:

Առաջնությունը տեղ է ունեցել Ղազախստանի մայրաքաղաք Նուր-Սուլթանում: