BSC, ավարտվեց «Տեխնոլոգիական ձեռներեցություն» դասընթացը

Հաջողությամբ ավարտվեց «Տեխնոլոգիական ձեռներեցություն» դասընթացը։
Օրեր առաջ շուրջ 300 մասնակցի շնորհվեցին ավարտական հավաստագրեր Երևանում, Գյումրիում և Վանաձորում:

Ավարտական միջոցառումների ընթացքում մասնակիցներին շնորհավորական խոսքով կիսվեցին «Բի Էս Սի» Բիզնեսի Աջակցման Կենտրոնի հիմնադիր տնօրեն՝ Սամվել Գևորգյանը, ՀՀ ԲՏԱ նախարարության ծրագրերի վարչության պետ Հրանտ Մկրտչյանը և այլոք։

Մասնակիցները նշում էին, որ այս դասընթացը արդյունավետ էր և որոշիչ դեր ուներ իրենց ներկա և ապագա մասնագիտական հաջողություններում։ Միջոցառման ընթացքում մասնակիցները հնարավորություն ունեցան նաև նոր կապեր և համագործակցություններ հաստատելու։

«Բի Էս Սի» թիմը շնորհավորում է շրջանավարտներին՝ վստահ լինելով, որ ստացված փորձն ու գիտելիքներն իրենց արժանի տեղը կգտնեն մասնակիցների տեխնոլոգիական գաղափարների իրականացման ճանապարհին։

* ՀՀ բարձր տեխնոլոգիական արդյունաբերության նախարարություն կողմից հայտարարված «Մասնագետների պատրաստման ԲՈՒՀ-մասնավոր հատված համագործակցություն» դրամաշնորհային ծրագրի շրջանակներում «Բի Էս Սի» Բիզնեսի Աջակցման Կենտրոնը համաֆինանսավորմամբ իրականացրեց «Տեխնոլոգիական ձեռներեցություն» ուղղությամբ դասընթացը:
Ավարտական միջոցառումը տեղի ունեցավ «Ֆիլիպ Մորրիսի» PMI Science գիտահետազոտական կենտրոնում։

Նյութի աղբյուր՝ BSC Business Support Center