Չորս եղանակ - Աթաբեկ Խնկոյան

Թե գարուն է նախշ - նախշուն,
Նա ինչե՞ր է մեզ բաշխում.
- Ծիլ ու ծաղիկ, կանաչ խոտ,
Ալ ու ալվան վարդ շաղոտ:

Թե ամառ է, շոգ ամառ,
Ի՞նչ է բերում մեզ համար.
— Ցորեն, գարի ու հաճար՝
Ամեն հոգսի դեղ ու ճար:

Թե աշուն է պտղաբեր,
Ի՞նչ է բերում մեզ նվեր.
- Նուռ, սերկևիլ, տանձ, խնձոր,
Դեղձ ու խաղող մեղրածոր:

Թե ձմեռ է ցրտաշունչ,
Ի՞նչ է թափում լուռումունջ.
- Փաթիլ, փաթիլ փափուկ ձյուն՝
Արծաթի պես պսպղուն:

More Stories