E-mail marketing-ի հիմնական սխալները

2025 թվականին E-mail մարքեթինգը շարունակում է լինել արդյունավետ գործիք՝ հաճախորդների հետ անհատականացված հաղորդակցության, ավտոմատացված վաճառքների և տվյալների վրա հիմնված ռազմավարությունների համար։

Կան որոշակի կոպիտ սխալներ, որոնք չի կարելի թույլ տալ ոչ մի դեպքում։ Ահա դրանցից ամենաարդիականները։ 

- Մի օգտագործեք ոչ լեգալ կամ պատահական կերպով հավաքված կոնտակտներ։ Սովորաբար ծրագրերը հասկանում են, ու կարող են Ձեզ բլոկել։

- Եթե օգտագործում եք գնված կամ պատահական կերպով հավաքված e-mail ցուցակներ, պլատֆորմը կարող է արգելափակել հաշիվը։

- Մի օգտագործեք խառը նշաններ («!!!», «$$$»), դրանք կարող են որպես վիռուս ընկալվել ալգորիթմների կողմից։

- 70-80% օգտատերեր բացում են նամակները հեռախոսից, կարևոր է առանձին դիտարկել մոբայլ տարբերակները։

- Մի՛ ուղարկեք նամակները չափազանց հաճախ, որպեսզի չհոգնեցնեք բաժանորդներին։ Օրինակ, բրենդի մասին տեղեկությունները ակտիվ պահելու համար կարող եք ընդունել «ամիսը 3 նամակագրության» սկզբունքը։

- Բարձր Spam Rate - Եթե ստացողները հաճախ նշում են նամակները որպես Spam, պլատֆորմը կարող է կասեցնել հաշիվը։ Նորմալ Spam Rate-ը պետք է լինի 0.1%-ից պակաս, հակառակ դեպքում դա ռիսկային է։

- Արգելված բովանդակության ուղարկում։

Որոշ պլատֆորմներ արգելում են որոշակի բովանդակություն, օրինակ՝

•  Ֆինանսական խարդախություններ
•  Մեծահասակների բովանդակություն
•  Մեծ գումարներ շահելու կեղծ առաջարկներ

Եթե բովանդակությունը խախտում է նրանց կանոնները, հաշիվը կարող է արգելափակվել։

- Եթե նոր հաշիվը միանգամից սկսում է ուղարկել մեծաքանակ նամակներ (օրինակ՝ 10,000+ առաջին օրը), դա կարող է դիտարկվել որպես կասկածելի ակտիվություն։ Լավագույն մոտեցումն է բարձրացնել քանակը աստիճանաբար:

- Միջազգային e-mail օրենքների խախտում (GDPR, CAN-SPAM, CCPA․․.)

Պետք է հաշվի առնել e-mail marketing-ի իրավական կողմերը․

GDPR (ԵՄ) – Բաժանորդները պետք է հստակ համաձայնություն տան։

CAN-SPAM (ԱՄՆ) – Պետք է ներառել «unsubscribe» հղում և ընկերության հասցեն։

CCPA (Կալիֆորնիա) – Օգտատերերը պետք է հնարավորություն ունենան իրենց տվյալները ջնջելու։

Հեղինակ՝ Աննա Տեր-Հովհաննիսյան