Եբբ երեխայի քթից արյուն է գալիս, նախ պետք է պահպանել հանգստություն, ավելորդ անգամ չվախեցնել փոքրիկին, հակառակը, փորձեք հանգստացնել նրան, ասացեք, որ վախենալու բան չկա և շուտով ամեն ինչ կանցնի։
Առաջին օգնություն քթային արնահոսության ժամանակ
- Հանգստացրեք երեխային
- Նստեցրեք նրան գլուխը մի փոքր առաջ, ոչ մի դեպքում չպառկեցնեք նրան, կամ գլուխը հետ չտանեք։ Ինչո՞ւ, որովհետև արյունը կարող է լցվել ստամոքս և առաջացնել փսխում, հազ, որը շատ կվախեցնի և երեխային, և մեծահասակներին, այն նաև կարող է հայտնվել շնչափողի վրա և խեղդել․․․
- Անձեռոցիկները կամ թաշկինակները թրջեք սառը ջրում, այն դրեք երեխայի ճակատին, ծոծորակին և քիթիկին։ Թրջոցները պետք է անընդհատ սառեցնել։
Քթի արնահոսության հիմնական պատճառները
- Չոր օդը
- Արևահարությունը
- Ալերգիաները
- Տրավմաները, հարվածները
- Վիրուսային հիվանդությունները
- Սրտային, երիկամային հիվանդությունները
- Քթի համար նախատեսված սփրեյների, կաթիլների շատ օգտագործումը
- Ուժգին հազը, լացը, հիստերիան
- Ակտիվ խաղերը, վարժությունները, հատկապես երեկոյան ժամերին
- Վիտամինների, հիմնականում C, K, E վիտամինների, կալցիումի, կալիումի, մագնիումի պակասը և այլն։
Երբ դիմել բժշկի
- Հաճախակի արնահոսության դեպքում
- Առատ և 10 րոպեից ավել տևող քթային արնահոսության դեպքում
- Որոշակի դեղորայքի ընդունումից հետո առաջացած արնահոսության դեպքում
- Երբ քթի շուրջը, աչքերի տակ առաջացել են կապտուկներ
- Արնահոսությունը առաջացել է ընկնելու, հարվածի կամ այլ տրավմայի դեպքում
- Երբ բացի քթի արնահոսությունից առկա է ուժեղ գլխացավ, տաքություն
- Երբ արնահոսությունից հետո երեխան իրեն թույլ է զգում, սփրթնել է, ունի գլխապտույտ
- Երբ արնահոսության ժամանակ երեխան խեղդվում է, ցնցվում է, չի պատասխանում հարցերին
Ինչպես խուսափել քթի արնահոսությունից
- Առողջ սննդի օգտագործում
Ինչպես արդեն նշել ենք, արնահոսության պատճառ կարող է լինել վիտամինների պակասը։ Շատ կարևոր է հետևել և օգտագործվող սննդին և քանակին։
- Օդի խոնավության ապահովումը
Եթե հատկապես ննջասենյակում օդը չոր է, կիրառեք խոնավեցնող միջոցներ․
* բժշկի նշանակմամբ յուղերի օգտագործում, հատկապես շոգ և ցուրտ եղանակներին։ Յուղերը պաշտպանում են մաշկի չորանալուց, սնուցում և ամրացնում են մազանոթները
* օդը խոնավեցնող սարքեր
* խոնավ կտորներ սենյակի անկյուններում
* լայն ափսեով ջուր լուսամուտագոգին․․․
- Ապահովել երեխայի հոգեկան և ֆիզիկական հանգիստը
ԱՌՈՂՋՈՒԹՅՈՒՆ ԲՈԼՈՐԻՆ
Մեկնաբանել