Ինչպես Samsung-ը կառուցեց կայսրություն, որն անհնար է ոչնչացնել

Մեծ բիզնեսի աշխարհում գործում է դաժան օրենք, որը հիշեցնում է Warhammer-ը. պատերազմն ընթանում է ամեն վայրկյան: Մեկ սխալ քայլ, և դու դիակ ես:

• Nokia-ն քնեց սենսորային էկրանների դարաշրջանի սկիզբը և կործանվեց:
• BlackBerry-ն iPhone-ը համարեց խաղալիք դեռահասների համար և դուրս մնաց խաղից:
• Motorola, HTC, LG Mobile՝ տեխնոլոգիաների պատմությունը լի է նրանց մահախոսականներով, ովքեր սայթաքել են ընդամենը մեկ անգամ:

Բայց կա մեկ հսկա, որը թքած ունի այդ կանոնների վրա: Samsung-ը: Այս կորպորացիան թույլ է տալիս աղետալի սխալներ մեկը մյուսի հետևից, նրա հեռախոսները պայթում էին ամբողջ աշխարհում, իսկ ղեկավարները բանտ էին նստում  կոռուպցիայի համար: Եվ, այնուամենայնիվ, Samsung-ը ոչ միայն գոյատևում է՝ այլև ծաղկում:

Ինչպե՞ս է դա նրանց հաջողվում: Պատասխանը թաքնված է «Չեբոլ» կառուցվածքի և բացարձակ անփոխարինելիության փիլիսոփայության մեջ: Եկեք վերլուծենք այս անմահության անատոմիան:

Չեբոլ. Պետություն պետության ներսում

Samsung-ը հասկանալու համար պետք է մոռանալ «ընկերություն» բառը: Սա Չեբոլ է՝ կլանային կառուցվածք, որտեղ բիզնեսն ու ընտանիքը միահյուսված են ազգի ճակատագրի հետ:

Հարավային Կորեայում Samsung-ը պարզապես լոգոտիպ չէ սմարթֆոնի վրա: Դա ամբողջ կյանքի էկոհամակարգ է: Դուք կարող եք ծնվել Samsung-ի ծննդատանը, ապրել Samsung-ի կառուցած բնակարանում, սովորել նրանց համալսարանում, բուժվել նրանց կլինիկայում և վճարել նրանց ապահովագրությամբ: Եվ նույնիսկ երբ մահանաք, ձեզ կհուղարկավորի Samsung-ի ծիսական ծառայությունը:

Այս համակարգը ծնվել է 1950-ականներին, երբ պատերազմից հետո Կորեայի կառավարությունը որոշեց. մենք չենք կարող փրկել բոլորին, դրա համար անսահմանափակ գումարներ և պաշտպանություն/առավելություն կտանք ընտրյալ ընտանիքներին, որպեսզի նրանք դուրս բերեն տնտեսությունը ճգնաժամից: Լի ընտանիքը դարձավ այդ Չեբոլներից նրանցից մեկը, և այսօր նրանց ազդեցությունն անսահման է:

Որակի պաշտամունք, կամ մկրտություն կրակով

90-ականների սկզբին Samsung-ը հարուստ էր, բայց արտադրում էր բացարձակ «զիբիլ»: ԱՄՆ-ում նրանց տեխնիկան դրված էր խանութների ամենացածր դարակներում՝ անհայտ բրենդների կողքին: Սա կատաղեցնում էր Սամսունգի նախագահ Լի Գոն Հիին (Լի II):

1993-ին նա հավաքում է բոլոր մենեջերներին ու  վերջնագիր ներկայացնում. «Փոխեք ամեն ինչ, բացի ձեր կանանցից և երեխաներից»: Բայց երևի մենեջերները նրան այքան էլ լավ չէին հասկացել, քանի որ նրանց առաջին բջջային հեռախոսների խոտանը հասնում էր խայտառակ 12%-ի:

Այդ ժամանակ Լին կատարում է մի քայլ, որը ընդմիշտ փոխում է ընկերության գենը: Մտնելով Գումի քաղաքի գործարան, հրամայում է հավաքել պահեստի ամբողջ ապրանքը՝ 150,000 հեռախոս և ֆաքս՝ ընհանուր  50 միլիոն դոլար արժողությամբ (ներկայիս 112 միլիոն դոլար): դուրս է բերում 2000 աշխատակիցների, նրանց գլխին կապում «Որակը վեր է ամեն ինչից» գրությամբ ժապավեններ և նրանց հեկեկոցների ներքո այրում այդ էլեկտրոնիկայի սարը:

Մինչ միկրոսխեմաները հալվում էին, մնացորդների վրայով անցնում են բուլդոզերով: Ուղերձը պարզ էր. «Եթե դուք ևս մեկ անգամ խոտան արտադրեք, ես կայրեմ գործարանը»: Հենց այդ մոխրից էլ ծնվում է այն Samsung-ը, որն այսօր կառուցում է Բուրջ Խալիֆան, մարտական տաներ և աշխարհի ամենամեծ նավերը:

Բրենդների պատերազմ. Ինչպես դադարել «անտեսանելի» լինելուց

2000-ականներին Samsung-ը արտադրում է մասեր ուրիշների համար, բայց չուներ սեփական դեմք: Երբ հայտնվում է  iPhone-ը, Սթիվ Ջոբսը Android-ին «միջուկային պատերազմ» է հայտարարում, այդ թվում Samsung-ին, որըօգագործում էր  Android: Samsung-ը ընդունում է մարտահրավերը, բայց սկզբում, միևնուն է գնքւմ է կրկնօրինակման ճանապարհով, շատ բաներ կրկնօրինակում iPhone-ից:

Անցնելով դատարաններով և միլիարդ դոլարի տուգանքներ վճարելու ճանապարհով Samsung-ը միևնուն է չի նահանջում ու չի կոտրվում: Ընդհակառակը, թերթերի վերնագրերը՝ «Apple-ն ընդդեմ Samsung-ի», կորեացիների համար դառնում են  գովազդ, որը հնարավոր չէր գնել փողով: Այդ ժամանա է, որ աշխարհը տեսնում է. կա ընդամենը երկու թագավոր:

Բայց իրական բեկում տեղի է ունենում,  երբ Samsung-ը վարձում է մարքետոլոգ Թոդ Փենդլթոնին: Նա տվալիս է մի խորհուրդ, որը դառնում է ոսկե կանոն.

«Մի՛ հարվածեք ուժով երկրորդ կամ երրորդ տղային: Հարվածեք/ապտակեք  սենյակի ամենաուժեղի դեմքին և այդպես ցույց տվեք ձեր ուժը»:

Samsung-ը սկսեց «The Next Big Thing» (բառացի․ Հաջորդ կարևոր բանը) հանճարեղ արշավը, որտեղ ծաղրում էր հերթերում կանգնած Apple-ի ֆանատներին: Մեսիջը փայլուն էր. Android-ի օգտատերերը խելացի անհատականություններ են, ովքեր չեն խաբվում մարքետինգին, ի տարբերություն Apple-ի «ոչխարների»:

Մութ կողմը. Շամաններ, ձիեր և բանտ

Samsung-ի պատմությունը ոչ միայն հաջողություն է, այլև քրեական դրամա: Կայսրության նկատմամբ վերահսկողությունը պահպանելու և 6 միլիարդ դոլար ժառանգության հարկից խուսափելու համար ժառանգորդ Լի Ջե Յոնը (Լի III) իրականացնում է ընկերությունների միաձուլման բարդ սխեմա:

Դրա համար անհրաժեշտ էր պետության աջակցությունը: Պարզվում է, որ երկիրը ղեկավարում էր ոչ թե նախագահ Պակ Կըն Հեն, այլ նրա ընկերուհին՝ շաման Չխվե Սուն Սիլը: Samsung-ը 38 միլիոն դոլար էր «փոխանցել» Չխվե Սուն Սիլի ընկերուհու հիմնադրամներին և գնել էլիտար ձի՝ Վիտանա V անունով, նրա դստեր համար: Չխվե Սուն Սիլ-ը խորհուրդներով ու ցանկությամբ (գուցե նաև կախարդանքով) երկրի ղեավարը օգնում էր ու աջացում Samsung-ի ցանկացած նախաձեռնության։

Երբ սա բացահայտվում է, ժողովուրդը դուրս է գալիս փողոց՝ ցույցեր, ընդվզումներ: Նախագահին դատապարտում են  24 տարվա ազատազրկման, իսկ Samsung-ի ղեկավար Լի Ջե Յոնին՝ բանտարկում: Պատկերացրեք պահի սյուրռեալիզմը. 2017 թվական, Ասիայի ամենահզոր կորպորացիայի ղեկավարը, ով գրեթե ղեկավարում էր երկիրը, այժմ նստած է 6մ/ք  մենախցում՝ առանց ցնցուղի և ինտերնետի, և նորություններ է դիտում LG հին հեռուստացույցով:

Գլխավոր դասը. Իրականության ենթակառուցվածք

Եվ ահա մենք հասնում ենք գագաթնակետին: Մինչ «կայսրը» բանտում էր, իսկ ֆլագմանային Galaxy Note 7 հեռախոսները պայթում էին ամբողջ աշխարհում և հետ կանչվում շուկայից (վնասը՝ 5 միլիարդ դոլար), ընկերությունը հայտարարում է պատմության մեջ ռեկորդային շահույթի մասին:

Այդ տարի թողարկվում է հեղափոխական iPhone X-ը: Apple-ի ամենաթանկ հեռախոսը: Բայց ո՞վ էր պատրաստել iPhone X-ի էկրաններն ու հիշողությունը: Samsung-ը: Յուրաքանչյուր վաճառված 1000 դոլարանոց iPhone-ից Samsung-ը վաստակում էր 110 դոլար : Որքան հարստանում էր Apple-ը, այնքան հարստանում էր Samsung-ը:

Այո, անսահման դժվարությունների միջով անցնելիս Samsung-ը 2000-ականներից սկսած արդեն դարձել էր մի հասկա ազմակերպություն, որը զբաղվում էր ամեն ինչով, սկսած արտադրությունից մինչև կրթություն և բժշկություն։ Չկար մի ենթակառուցվածք, որտեղ նա չունենար չափաբաժին կամ ազդեցություն, ու նրա ազդեցությունը Ասյական երկրներից հասնում էր ԱՄՆ։ 

Վերջաբան. Ինչո՞ւ է սա կարևոր մեզ համար

Samsung-ի պատմությունը մեզ սովորեցնում է սարսափելի, բայց սթափեցնող ճշմարտություն: Ժամանակակից աշխարհում կարևոր չէ՝ դու «լավն» ես, թե «վատը»: Կարևոր չէ՝ արդար ես խաղում, թե ոչ: Կարևոր է միայն մեկ բան. որքանով ես դու անփոխարինելի:

Samsung-ը դարձել է մեր իրականության ենթակառուցվածքը: Դուք կարող եք ատել նրանց, ատել նրանց մեթոդները, կարող եք լինել iPhone-ի երդվյալ ֆանատ: Բայց հենց հիմա լույսի ֆոտոնները ձեր աչքերին են հասնում այն էկրանի մատրիցայի միջոցով, որը հորինել են նրանք, իսկ այս տեքստի տվյալները պահվում են այն հիշողության սարքերում, որոնք ստեղծել են նրանք:

Ի՞նչն է ձեր գործում ձեզ դարձնում այնքան անփոխարինելի, որ նույնիսկ ձեր մրցակիցները ստիպված լինեն վճարել ձեզ՝ գոյություն ունենալու համար: