Այս թեմայով գիրք գրելու գաղափար վաղուց ունեի։ Այս թեմայի մասին վաղուց էի մտածում և մտքումս արդեն կազմել էի գրքի կառուցվածքը, նույնիսկ, նախքան առաջին գիրքս հրատարակելը, պատկերացնում էի՝ ինչի մասին պետք է խոսեմ։
Ժամանակը է՛լ ավելի հասունացրեց նյութը, մտքումս ստեղծված կառուցվածքը հանձնվեց թղթին, մշակվեց, համեմվեց մի շարք հետաքրքիր օրինակներով և այն դարձավ շատ ավելի արդիական, քան նախնական օրինակն էր։
Գիրքը իմ մասին է, քո մասին, մեր ընկերների մասին, բոլորիս մասին։ Այն մասին, թե մենք ինչ միջավայրում և ինչ կոդավորումներով ենք մեծանում, ինչ են տալիս մեզ այդ կոդավորումները և ինչ ճանապարհով են տանում։ Այստեղ կարող ես գտնել անդադար «#գործկա» (գործատու) և «#գործչկա» (աշխատանք փնտրող) խորագրերով պայքարների, այս կամ այն մասնագետի վատ աշխատանքի վերաբերյալ անդադար հնչող մեղադրանքների, դիտողությունների, քննադատությունների խորքային պատճառները։
Սա մեր մասին հայացք է՝ մարդկային ռեսուրսների կառավարման մասնագետի աչքերով։
Ջուլիետա Վարդանյան
Add comment