- Ո՞վ է ձեզ արթուն,
Թե քնած պահին
Սիրում, փայփայում,
Ձեր մասին հոգում.
- Մայրիկը սիրուն:
Հոգնած ու անքուն
Էն ո՞վ է նստում
Միշտ ճոճի կողքին,
Օրորում բալին.
- Մայրիկը անգին:
- Էն ո՞վ է սիրուն
Հեքիաթներ ասում,
Տալիս խաղալիք,
Մրգեր անուշիկ.
- Մայրիկը քաղցրիկ:
- Իսկ եթե ծույլ եք,
Սիրուն երեխեք,
Անհանգիստ ու չար,
Չեք տալիս դադար,
Ցերեկը թաքուն,
Գիշերը անքուն,
Էն ո՞վ է լալիս,
Գլխին վայ տալիս.
- Մայրիկը բարի:
Комментировать