Արևն իջավ սարի գըլուխն,
Դար ու դաշտում լույս չըկա:
Հավք ու թռչուն մըտավ խոր քուն,
Ա՜խ, ինձ համար քուն չըկա:
Լուսնյակն ընկավ երթկից ներս
Կըշեռքն ելավ երկընքում,
Զով հովերն էլ մըթընշողես
Աստղերի հետ են զըրցում:
Սիրո՛ւն աստղե՜ր, անուշ հովե՜ր,
Յարըս ու՞ր է՝ էս գիշեր.
Պարզ երկընքի նըխշուն աչե՛ր,
Յարիս տեսա՞ք էս գիշեր:
Լույսը բացվավ, դուռը բացվավ,
Ամպ ու զամպ է,- թոն կուգա.
Ալ ձին եկավ, անտեր եկավ,
Ա՜խ, յարս ու՞ր է, տուն չի գա…. .
Комментировать