Ինկուբ Մարքեթինգ բիզնես ինկուբատորի առաջին գրասենյակի բացումը

Ապրիլի 7-ին, Մեղրիում, բացվել է Incube Marketing/Ինկուբ Մարքեթինգ ընկերության առաջին գրասենյակը։ 

«Ինկուբ մարքեթինգ» ընկերությունը բիզնես ինկուբատոր է, որը ստեղծվել է մարզերում բնակվող աղջիկներին ու կանանց մասնագիտական գիտելիքներով զինելու, ժամանակից աշխարհում ամենաարագ զարգացող և հետաքրքիր ոլորտներից մեկում աշխատանքով ապահովելու և նրանց մայրաքաղաքի բիզնես եռուզեռի մասը դարձնելու նպատակով։

Ինչպես նշում են ընկերության էջում, միջոցառման ընթացքում թիմի աղջիկները ստացան իրենց առաջին մասնագիտական սերտիֆիկատները։

Incube Marketing/Ինկուբ Մարքեթինգ ընկերությունը զբաղվում է սոցիալական հարթակների և կայքերի համար քոնթենթի ստեղծմամբ՝ տեքստեր, նկարներ, վիդեոներ․․․ 

Ընկերության հիմնադիր տնօրենը Մարիաննա Քաբաբյանն է։

Ընկերության ղեկավար կազմը գտնվում է Երևանում, սակայն տեխնիկական թիմը կստեղծագործի Մեղրիում։