Բաղադրիչներ
- Հավի ձու - 5 հատ
- Կարագ - 4 x 250 գրամ
- Ալյուր - 2կգ
- Տաք ջուր (այնքան տաք,որ ձեռքն հազիվ դիմանա) - 2,5 բաժակ
- Օղի - 8 ճաշի գդալ
- Քացախ - 5 ճաշի գդալ
- Աղ - 2 թեյի գդալ
Պատրաստման եղանակը
Հավի ձվի դեղնուցը և լավ փափկեցրած 250գ կարագը տրորել։ Քիչ - քիչ ավելացնել տաք ջուր։ Խառնել մինչև ստացվի միասեռ զանգված։
Ավելացնել օղի, քացախ և աղ։ Խառնել, քիչ - քիչ ավելացնել ալյուր և հունցել։ Հիմնականում 1 բաժակ ալյուր է ավելանում, որով էլ պատրաստվում է խորիզը։ Խմորը ծեծել գրտնակով, մոտավորապես 50 անգամ։ Պետք է ստացվի հարթ խմոր՝ մեջը փուչիկներ։ Թողնել 1 ժամ հանգստանա։
Խմորը բաժանել 8 գնդի։ Մնացած 3 տուփ կարագներից յուրաքանչյուրը բաժանել 8 հավասար մասերի։
Գնդերը 3 անգամ բացել - փակել մեջը քսելով 1/8 մաս կարագ։ Ընդմիջումները պետք է տևեն 1 ժամ։ Գնդերը պահում ենք սառնարանում։ Գնդերը բացել, կտրտել նախընտրած ձևով։
Թխել նախապես տաքացված ջեռոցում՝ 250°C ջերմությամբ։ Սառեցնել, կրեմ քսել, թաթախել փշուրի մեջ։ Վրան շաքարի փոշի ցանել ....
Բարի ախորժակ։
Նյութի հեղինակն է IZABEL - ի ՀԱՄՈՎ -ՀՈՏՈՎ ԽՈՀԱՆՈՑԸ
Add comment