«Սպիտակի Հելսինկյան խումբ» իրավապաշտպան կազմակերպությունը հիմնադրվել է 2010 թվականին: Զբաղվում է մարդու իրավունքների ջատագովությամբ, միավորում ժողովրդավարության, հանդուրժողականության սկզբունքները:
Կազմակերպության առաքելությունն է որակյալ ծառայությունների միջոցով հզորացնել Լոռու մարզի կանանց, նպաստել նրանց և երեխաների կյանքի որակի բարելավմանը։
Մեր տեսլականն է ունենալ հասարակություն, որում կլինեն ուժեղ, սեփական իրավունքներին տեղյակ ու տեր կանգնող կանայք։
2018 թվականին «Սպիտակի Հելսինկյան խումբ» իրավապաշտպան կազմակերպությունը հիմնադրել է «ՍՊԻՏԱԿ ՄԱՆՈւՇԱԿ» սոցիալական ձեռնարկությունը՝ նպատակ ունենալով նպաստել «Սպիտակի Հելսինկյան խումբ» իրավապաշտպան ՀԿ կայունությանն ու Լոռու մարզի կանանց տնտեսական հզորացմանը։
Կազմակերպության գործունեության շրջանակից օգտվում են խոցելի խմբերի կանայք/ երեխաներ, ովքեր՝
- ունեն հաշմանդամություն
- ենթարկվել են ընտանեկան բռնության
- միայնակ կամ բազմազավակ մայրեր են
- չունեն մասնագիտություն
- արտագնա աշխատանքի մեկնած ամուսինների կանայք են
- ազգային ու սեռական փոքրամասնությունների ներկայացուցիչներ են
- Արցախից բռնի տեղահանվածներ են
- ենթարկվել են սեռական բռնության
- մինչև 12 տարեկան երեխաներ են (բռնության ենթարկված ընտանիքների)։
Իսկ շահառուներին ԶՈՐԵՂԱՑՆԵԼՈՎ՝ իրականացնում ենք․
- իրազեկում
- վերապատրաստումներ
- սոցիալ-իրավաբանական և հոգեբանական ծառայություններ
- ապահով տարածքների ստեղծում․ միջավայր, որտեղ կինն ազատորեն կարող է ինքնարտահայտվել, կիսվել սեփական մտքերով, գաղափարներով ու մտահոգություններով։
Կազմակերպությունն ունի կայուն, պրոֆեսիոնալ և բազմաֆունկցիոնալ թիմ, արդյունավետ կառավարման մեխանիզմներ և համակարգային մոտեցում՝ աշխատանքի գնահատման ու բարելավման հարցում:
НЕДАВНИЙ
Follow Us
All Rights Reserved © 2026