Բարև 35․․․ Մերի Ներսիսյան

Լրագրող, հաղորդավարուհի, 3 երեխաների մայրիկ Մերի Ներսիսյանը նշել է 35 ամյակը։

Մերին իր սոցիալական էջերում գեղեցիկ նկարներ է հրապարակել, հետևյալ գրառմամբ․
«Բարև, 35
Երբ շատերի համար դու դեռ ջահել աղջիկ ես, իսկ շատերի համար՝ հասուն կին:
Քանի օր է մտածում եմ՝ իսկ ես ինձ ինչպե՞ս եմ ընկալում. ով եմ, որտեղ եմ, ինչ փուլում:
35-ը միջին տարիքի ճգնաժամի շրջանում է: Ասում են, որ այն արտահայտվում է արժեքների վերանայումով, կտրուկ փոփոխությունների տենչով, արտաքինի հանդեպ ընդգծված ուշադրությամբ և այլն:
Ըմմմ... Արժեքներս անսասան են՝ հայրենիք, ընտանիք, սեր... Որևէ բան փոխել չեմ ուզում: Կալորիաներ չեմ հաշվում, մազերս կանաչ ներկել չեմ ուզում, բոտոքս, ֆիլլեր-շմիլլեր չեմ անում: Միջին տարիքի ճգնաժա՞մ... Չենք լսել․․․
Դե լավ, հոբելյարն այսքան չի խոսի, անցնենք շնորհավորանքներին»։