Բաղադրիչներ
- Բլինչիկի շերտեր - 20-25 հատ
- Հավի դոշ - 2 հատ
- Սոխ - 5-7 հատ
- Կարագ - 1 ճաշի գդալ
- Բուսայուղ - 3-4 ճաշի գդալ
- Մաղադանոս, գազար, դափնու տերև,
- Աղ, սև հատիկավոր պղպղեղ, կարիի, կծու կարմիր պղպեղ և այլ համեմունքներ ըստ ճաշակի
Պատրաստման եղանակը
Կաթսայի մեջ լցնում ենք ջուր, ավելացնում ենք դափնու տերև, մաղադանոս, գլուխ սոխ, գազար, աղ, սև հատիկավոր պղպեղ և հավի դոշը: Եփում ենք 20-30 րոպե: 
Սոխը մանր կտրտում ենք (քանակը ըստ ճաշակի), տապակում ենք բուսայուղի մեջ: Ավելացնում ենք կարմիր պղպեղ, դափնու տերև, կարի... Հավի դոշը մսաղացով աղում ենք, կամ մանր կտրտում: Վրան ավելացնում ենք տապակած սոխը և կարագը: 
Բլինչիկի շերտի վար դնում ենք հավի ֆարշից 1 ճաշի գդալ, փաթաթում ենք:
Բլինչիկները պահում ենք սառնարանում: Մատուցելուց առաջ դրանք տապակում ենք քիչ բուսայուղի մեջ:
Ստացվում են անչափ համեղ և թեթև բլինչիկներ:
Բարի ախորժակ
.jpg)
Մեկնաբանել