Կարկիր լոբիով և հավի կրծքամսով աղցան

Բաղադրություն

• Կարմիր, հատիկավոր լոբի - 250 գրամ
• Հավի կրծքամիս - 500 գրամ
• Թթվասեր կամ մայոնեզ - ըստ ճաշակի
• Բուսայուղ - կարող եք փոխարինել թթվասերին
• Աղ, սև պղպեղ ըստ ճաշակի

Պատրաստման եղանակը

Կարմիր, հատիկավոր լոբին լվանում ենք, թողնում ենք սառը ջրի մեջ 2 ժամ։ Ապա եփում ենք մինչև լավ փափկի, բայց հատիկները պահպանվեն։ Ջրի մեջ կարող ենք մի քիչ աղ ավելացնել, ըստ ցանկության։

Հավի կրծքամիսը լավ եփում ենք։ Սառելոց հետո պատառաքաղով քրքրում ենք։ 

Խառնում ենք լոբին, հավի կրծքամիսը, ավելացնում ենք աղ, սև պղպեղ ըստ ճաշակի, խառնում ենք։

Կարող ենք ավելացնել թթվասեր, մայոնեզ, կամ բուսայուղ ըստ ճաշակի։ Բոլոր դեպքերում էլ շատ համեղ է լինում։ 

Աղցանին ըստ ցանկության կարող ենք ավելացնել մանր կտրտած պոպոկ, որը այն դարձնում է էլ ավելի համեղ և հագեցնող։

Բարի ախորժակ։