Աղցան հավով, սիսեռով, ավոկադոյով

Բաղադրություն

• Հավի կրծքամիս - 500 գրամ
• Սիսեռ - 150 գրամ
• Ավոկադո - 1 հատ
• Թթվասեր կամ ձիթայուղ, ըստ ճաշակի
• Աղ, սև պղպեղ

Պատրաստման եղանակ

Սիսիեռը լվանում ենք, վրան լցնում ենք սառը ջուր այնքան, որ ամբողջ սիսեռը ծածկվի, թողնում ենք 2 ժամ։ Ապա ավելացնում ենք ջուր և եփում ենք։ 

Հավի կրծքամիսը լավ լվանում ենք, եփում ենք։

Մանր քառակուսիների կտրտում ենք ավոկադոն։ 

Սառելուց հետո հավի կրծքամիսը կտրտում ենք, վրան ավելացնում ենք սիսեռը, կտրտած ավոկադոն, աղ և սև պղպեղ ըստ ճաշակի, ապա թթվասեր կամ ձիթայուղ՝ ըստ ցանկության, երկու տարբերակով էլ ստացվում է շատ համեղ։ 

Խառնում ենք և համեղ, հագեցնող, սննդարար աղցանը պատրաստ է։

Բարի ախորժակ։